„საქართველოს ევროპული მომავლისთვის უფრო მეტს იბრძვის ხალხი, ვიდრე “ოცნება“ - რუმინეთის საგარეო საქმეთა მინისტრი

რუმინეთი არის პირველი ქვეყანა ევროკავშირში, რომელმაც სტრატეგიული პარტნიორობა გააფორმა საქართველოსთან და ეს სტრატეგიული პარტნიორობა გრძელდება, რადგანაც ჩვენ გვჯერა საქართველოს ევროპული მომავლის, – ამის შესახებ რუმინეთის საგარეო საქმეთა მინისტრმა, ოანა-სილვია ცოიუმ ევროკავშირის საგარეო საქმეთა მინისტრების შეხვედრის დაწყებამდე განაცხადა.

რუმინეთის საგარეო უწყების ხელმძღვანელმა შეშფოთება გამოთქვა საქართველოში დღეს მიმდიანრე მოვლენებზე და აღნშნა, რომ “დღეს საქართველოს ევროპული მომავლისთვის უფრო მეტს იბრძვიან და მეტი წვლილი შეაქვთ ხალხს, ვიდრე ინსტიტუტებსა და მთავრობას.“

რუმინეთი არის პირველი ქვეყანა ევროკავშირში, რომელმაც სტრატეგიული პარტნიორობა გააფორმა საქართველოსთან და ეს სტრატეგიული პარტნიორობა გრძელდება, რადგანაც ჩვენ გვჯერა საქართველოს ევროპული მომავლის. ისიც მართალია, რომ დღეს კონკრეტულ მომენტში საქართველოს ევროპული მომავლისთვის უფრო მეტს იბრძვიან და მეტი წვლილი შეაქვთ ხალხს, ვიდრე ინსტიტუტებსა და მთავრობას. ჩვენ მიგვაჩნია, რომ ეს არის ასევე საქართველოს საზოგადოების მედეგობის ნიშანი და ფაქტია, რომ საჭიროა დიალოგის გაგრძელება და ინვესტიციების დაბანდება საქართველოს ევროპულ გზაში.

რატომ არის ეს ძალიან მნიშვნელოვანი რუმინეთისთვის და არა მხოლოდ საქართველოსთვის, რომელიც მნიშვნელოვანი ქვეყანაა რეგიონის – პასუხი ისაა, რომ ჩვენ უნდა ვითანამშრომლოთ უფრო მეტი და უნდა ვიყოთ ერთ მხარეს, როდესაც ვუყურებთ შავ ზღვას. და ამის გამო ჩვენ შეშფოთებულები ვართ საქართველოში დღეს მიმდინარე მოვლენების გამო“,- განაცხადა რუმინეთის საგარეო უწყების ხელმძღვანელმა.