შერჩევის პროცესი 19 აპრილის შეთანხმების სრული იგნორირებით მიმდინარეობს - ცესკოს თავმჯდომარის ოპოზიციონერი მოადგილე

პოლიტიკა 1642165459    18

გიორგი სიორიძე

„ქართული ოცნების" მიერ გადადგმული ნაბიჯების შედეგად, ცესკოს თავმჯდომარისა და წევრების არჩევის პროცესი სრულად დისკრედიტირებულია - ამის შესახებ ცესკოს თავმჯდომარის მოადგილემ, „ლელოს" წევრმა, გიორგი სიორიძემ განაცხადა.

"სამწუხაროდ, ჩვენ ვნახეთ, რომ 2021 წლის საარჩევნო რეფორმის საფუძველზე, ცესკოს თავმჯდომარისა და წევრების არჩევის პროცესი შარშან ყველაზე უარესი სცენარით წარიმართა: არანაირი მცდელობა  „ქართული ოცნების" მხრიდან მიღწეულიყო კონსენსუსი ოპოზიციურ პარტიებთან, 19 აპრილის შეთანხმების სულისკვეთების სრული იგნორირება, მმართველი პარტიის სასურველი კანდიდატების მხოლოდ ერთპარტიული მხარდაჭერა და მათი თანამდებობაზე გამწესება ყველაზე დაბალი ლეგიტიმაციით, 6 თვის ვადით. ყველა სხვა სიახლე, როგორებიცაა საკონკურსო კომისიის ახლებური დაკომპლექტება, გასაუბრების პროცესის პირდაპირ ეთერში გადაცემა და კენჭისყრის პროცედურებს შორის ინტერვალები, ფასადური ხასიათის აღმოჩნდა. რაც შეეხება ახლა მიმდინარე პროცესს, ის უკანგადადგმული ნაბიჯია შარშანდელ კონკურსთან შედარებითაც კი, რადგან ცოტა ხნის წინ პარლამენტმა მხარი დაუჭირა საარჩევნო კანონმდებლობის ცვლილებებს, რომლითაც კანდიდატების კენჭისყრის პროცედურებს შორის ოთხკვირიანი შუალედები გააუქმა. ამით მმართველმა ძალამ აღარ დატოვა სივრცე პოლიტიკური კონსულტაციებისთვის. ეს ნაბიჯი იყო მორიგი დეკლარირება „ქართული ოცნების" მხრიდან, რომ მათთვის სასურველი კანდიდატების გაყვანას ფორმალური ბარიერებიც კი არ უნდა გადაეღობოს წინ. ამასთან, განსხვავებით გასული წლისგან, ცესკოს თავმჯდომარეობისა და წევრობის კანდიდატების შესარჩევ საკონკურსო კომისიას ბოიკოტი გამოუცხადეს ისეთი მაღალი ავტორიტეტის მქონე არასამთავრობო ორგანიზაციებმა, როგორებიცაა „სამართლიანი არჩევნები", „საქართველოს ახალგაზრდა იურისტთა ასოციაცია", „საერთაშორისო გამჭვირვალობა" და IDFI. შესაბამისად, მიმდინარე შესარჩევი პროცესი მესამე სექტორის მხრიდანაც პრაქტიკულად დისკრედიტირებულია, ვინაიდან ის იმედი, რომელიც შარშან არსებობდა, რომ რეალური ცვლილებების განხორციელება შესაძლებელია, აღარ არსებობს" - განაცხადა მან.

მასალის გამოყენების პირობები
სხვა სიახლეები
პოლიცია
1 დაღუპული და 2 დაშავებული - ავტოსაგზაო შემთხვევა გურჯაანში

მსხვერპლით დასრულდა ავტოსაგზაო შემთხვევა გურჯაანში - გარდაცვლილია ერთი და მძიმედაა დაშავებული ორი ადამიანი. შემთხვევა გურჯაანის ცენტრალურ  მაგისტრალზე, კურორტ "ახტალას" მიმდებარე ტერიტორიაზე მოხდა. ერ...

შემთხვევა 1642960397

ლისის ტბა
"ლისისა და კუს ტბებზე ყინულის ზედაპირზე შეინიშნება მოქალაქეთა გადაადგილება" - საგანგებო სიტუაციების მართვის სამსახური

საგანგებო სიტუაციების მართვის სამსახური განცხადებას ავრცელებს: "გაცნობებთ, რომ მთელი საქართველოს მასშტაბით, ტემპერატურის ვარდნის გამო, ტბებსა და წყალსაცავებზე არის ყინულის სხვადასხვა სისქის ფენა. რამდ...

საზოგადოება 1642960300

არმენ სარქისიანი
სომხეთის პრეზიდენტი თანამდებობიდან გადადგა

სომხეთის პრეზიდენტის, არმენ სარქისიანი თანამდებობიდან გადადგა. მის განცხადებას პრეზიდენტის ადმინისტრაცია ავრცელებს. განცხადებაში გადადგომის მთავარ მიზეზად აღნიშნულია, რომ პრეზიდენტის ინსტიტუტს ქვეყნის...

მსოფლიო 1642959582

ეპისკოპოსი დიმიტრი (კაპანაძე)
ხორნაბუჯისა და ჰერეთის ეპისკოპოსი დიმიტრი კორონავირუსით გარდაიცვალა

გარდაიცვალა ხორნაბუჯისა და ჰერეთის ეპისკოპოსი დიმიტრი (კაპანაძე). ინფორმაციას საქართველოს მართლმადიდებელი ეკლესიის საპატრიარქო ავრცელებს. “მეუფე დიმიტრის ჯანმრთელობის მდგომარეობა დაამძიმა კორონავირუსი...

Covid 19 1642959226

ელექტროენერგია
ქუჩები, სადაც 24 იანვარს ელექტროენერგია გაითიშება

24 იანვარს თბილისის ნაწილს ელექტრომომარაგება დროებით შეეზღუდება. ნაძალადევის რაიონი გადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: სანზონის დასახლების, ფეიქართა და ქსნის...

საზოგადოება 1642959076

ლოთი ზოდიაქო
"ლოთების რეიტინგი" ზოდიაქოს ნიშნების მიხედვით

ასტროლოგებმა ზოდიაქოს ნიშნები მათი ალკოჰოლისკენ მიდრეკილების მიხედვით დაახარისხეს. სიას სათავეში მორიელი უდგას. საქმე იმაშია, რომ მორიელს თავისი სულიერი ტკივილების დაფარვა უყვარს, რაშიც ალკოჰოლი ეხმარ...

ეს საინტერესოა 1642948994