„შეწირული პაიკი შესაძლოა საქართველო აღმოჩნდეს“ - დიმიტრი ხუნდაძე

პოლიტიკა 1660728967

დიმიტრი ხუნდაძე

"ქართული ოცნებიდან" გასული დეპუტატი დიმიტრი ხუნდაძე აცხადებს, რომ დღეს იმაზე რთულია ვითარება, ვიდრე ეს გარედან ჩანს ან მათ განცხადებებში იკითხება.

"ჩემი და ჩემი თანამოაზრეების მკვეთრი განცხადებები თუ დაფიქსირებული პოზიციები მხოლოდ და მხოლოდ საქართველოსა და ჩვენი საზოგადოების ინტერესებს ემსახურება და მეტს არაფერს. არადა, აქამდე უკვე მერამდენედ აღმოჩნდა ჩვენი ნათქვამი სიმართლე. ომის რიტორიკა დღემდე გრძელდება, არადა, ვითომ აქამდე არც კი ყოფილა და ჩვენი კითხვებიც თითქოს უსაფუძვლო იყო.

ევროკავშირის კანდიდატის სტატუსის მოპოვებისთვის დაწესებული 6 თვიანი ვადა საეჭვოდ მივიჩნიეთ, რისთვისაც „გაგვიარ-გამოგვიარეს“, შემდეგ თვითონ ევროპის საბჭომ შეცვალა და ეს დრო გაახანგრძლივა. მოსამართლე ჩხიკვაძის აშშ-ში ვიზიტიდან „ჩახსნა“ რომ სასამართლო გადაწყვეტილების გამო მოხდა, რაზეც ჩვენ ეჭვი გამოვთქვით, თავად მოსამართლემ დაადასტურა. დადასტურდა კელი დეგნანისა და ბიძინა ივანიშვილის შეხვედრაც, თუმცა კითხვად რჩება, რატომ გახდა დასამალი შეხვედრაც და შემდგარი საუბრის შინაარსიც? საფრთხე დასმულ კითხვებში კი არ არის, არამედ გაუცემელ, დამალულ პასუხებში,"- აცხადებს დიმიტრი ხუნდაძე.

მისი თქმით, რთული სვლები კეთდება და მოგებისთვის ბევრი პაიკი შეეწირება.

„სასამართლო რეფორმასთან დაკავშირებით საელჩოს მიმართ გამოთქმული შენიშვნები და ეჭვები დღეს თითქოს ყველასათვის მიუღებელი აღმოჩნდა, მაგრამ როდესაც საბოლოოდ ამ რეკომენდაციების მნიშვნელოვან ნაწილს კატეგორიულად არ გაიზიარებენ, თანაც არგუმენტირებულად, ხომ ისევ მართლები აღმოვჩნდებით? და თუ გაიზიარებენ, მერე ნახეთ პოლიტიზებული და უსამართლო სასამართლო. დოკუმენტი ინგლისურად წაიკითხეთ და ასეთი მკაცრი არ მოგეჩვენებათო, გვიპასუხეს. ქართულად რომ ცუდის მომასწავებელია და შემდეგ ფაქტის წინაშე დავდგებით, რა ვქნათ? არაქართულად „გავატაროთ“ და დავუბრუნდეთ წარსულს? რუსული ხელფასის მქონე რუსეთუმეობას რომ გვაბრალებს და „ევროპულად“ ჭკუას გვასწავლის, ეგეც მივაყურადოთ? საბჭოთა რუსეთში დაბრუნებას არავინ აპირებს, მაგრამ ის, რაც დასავლეთშიც მიუღებელია, ჩვენთვის რატომ უნდა იყოს მისაღები? იმიტომ რომ ვიღაცას სჭირდება? ქვეყანა მივუშვათ ომში, იმიტომ რომ უფრო დიდი ომია მოსაგები? მმართველმა გუნდმა უნდა დათმოს ხელისუფლება არჩევნების მიუხედავად, იმიტომ რომ „ძველი-ახალი“ ხელისუფლება ყველა დაკვეთის შემსრულებელია? სად არის ქვეყნისა და საზოგადოების ინტერესები? სად არის ხალხი? თუ მას ვინ ეკითხება. ყველა ქვეყანა უპირატესად თავის ინტერესებს უფრთხილდება და სწორადაც. ჩვენ რატომ არ გვაქვს ამის უფლება?

დღეს დიდ საჭადრაკო დაფაზე მიდის სახიფათო თამაში. რთული სვლები კეთდება და მოგებისთვის ბევრი პაიკი შეეწირება. მოთამაშე ჩვენ არ ვართ, მაგრამ შეწირული პაიკი შესაძლოა საქართველო აღმოჩნდეს. ამიტომ, დღეს არც პოლიტიკური კეკლუცის, არც მოდას აყოლის და არც „ფეისბუქცნობადობის“ ზრუნვის დროა. დღეს სიფრთხილე და გონიერებაა საჭირო, რომელსაც სიცოცხლის ფასი აქვს. იმაზე რთულია ვითარება, ვიდრე ეს გარედან ჩანს ან ჩვენს განცხადებებში იკითხება. სამწუხაროდ, სათქმელი ჯერ კიდევ ბევრია. მთავარია, ამის საჭიროება არ დადგეს და ომი მშვიდობით შევცვალოთ,“ - განაცხადა დიმიტრი ხუნდაძემ.

მასალის გამოყენების პირობები
სხვა სიახლეები
ევგენიძე
ტრაგედია დათო ევგენიძის ოჯახში - ვინ გარდაეცვალა მუსიკოსს

ტრაგედია დათო ევგენიძის ოჯახში - მუსიკოსს მამა გარდაეცვალა. „გარდამეცვალა მამა ნიაზ ევგენიძე პანაშვიდი - 5 საათზე.დაკრძალვა შაბათს 2 საათზე. ბურძგლას ქ. N76/80. 8 სართ.“ - წერს ევგენიძე სოცქსელში.  

სოცმედია 1711693560

საქართველოს ნაკრები
ვიდეო: რა მენიუს სთავაზობს კონსტანტინე თედელური ეროვნული ნაკრების ფეხბურთელებს

რა მენიუს სთავაზობს კოტე თედელური ეროვნული ნაკრების ფეხბურთელებს - არის თუ არა ნებადართული და აკრძალული საკვები?  

საზოგადოება 1711692900

ამინდი
როგორი ამინდი იქნება დღეს - ნახეთ პროგნოზი ქალაქების მიხედვით

როგორი ამინდი იქნება საქართველოში 29 მარტს - გარემოს ეროვნული სააგენტოს ცნობით, 29  მარტს საქართველოში მოსალოდნელია თბილი და უმეტესად უნალექო ამინდი. ქ. თბილისში 29 მარტს თბილი და უნალექო ამინდი იქნებ...

საზოგადოება 1711692540

გახარია
"ოცნების" ოფისში „რაზბორკები“ მომიწყეს“ - გიორგი გახარია

„მე ვიყავი ერთადერთი "ოცნების" წევრი, როდესაც კიევში ვიღაც დურაკმა ომონმა უკრაინის მიშა სააკაშვილი რესტორანში დაიჭირეს და თმებით ათრიეს, ვიყავი ერთადერთი, რომელიც გამოვედი და ვთქვი, რომ ეს  მიუღებელია...

პოლიტიკა 1711692060

საბერძნეთის კაპიტანი
„საქართველოსთან წაგება ძალიან მტკივნეულად განვიცადე“ - საბერძნეთის ნაკრების კაპიტანი

საბერძნეთის ეროვნული ნაკრების კაპიტანმა, ტასოს ბაკასეტასმა ევრო 2024-ის პლეი ოფის ფინალში საქართველოსთან წაგებაზე კომენტარი სოციალურ ქსელში გამოაქვეყნა. პენალტების სერიაში ბერძნების მხრიდან პირველად ს...

სპორტი 1711684688

ანა წერეთელი
ფოტო: „ორი დღეა სადღაც შორიდან ჩამესმის გადაცემებში პოლიტიკოსების ხმა პოლიტიკურ საკითხებზე“ - ანა წერეთელი

ჟურნალისტი და ტელეწამყვანი ანა წერეთელი სოცქსელში წერს: „ეს ორი დღეა სადღაც შორიდან ჩამესმის გადაცემებში პოლიტიკოსების ხმა პოლიტიკურ საკითხებზე) როგორც კი ფეხბურთს ახსენებს რომელიმე მათგანი, გულში ვფი...

სოცმედია 1711684382