„თამთა სანიკიძე ჩემი ნათესავია, ვთხოვე, რომ მივეწვიე საზოგადოებრივი მაუწყებლის ეთერში“ - სინდისი პატიმრის დედა

სინდისის პატიმრის, თორნიკე გოშაძის დედა ამბობს, რომ საზოგადოებრივი მაუწყებელი რეჟიმის ტყვეების მშობლებისთვის დახურულია - მარიზი კობახიძე კონკრეტულ ფაქტზე საუბრობს და აცხადებს, რომ მან პირველი არხის ჟურნალისტს და წამყვანს თამთა სანიკიძეს პირადად მიმართა და ეთერის დათმობა სთხოვა, თუმცა უშედეგოდ.

სინდისის პატიმრის დედა ამბობს, რომ საზოგადოებრივი მაუწყებლის ჟურნალისტი მისი "ახლობელია".

თამთა სანიკიძე ჩემი ნათესავია. ახლობლად ჩავთვლი, მე თვითონ რამდენად ჩამთვლის, არ ვიცი. ის არის ჩემი ბიძაშვილიშვილის მეუღლე და საკმაოდ კარგი ჟურნალისტი. მე იძულებული გავხდი და მას მივმართე, რომ მე თუნდაც ერთი დედა, მივეწვიე, რადგან ვიცი, რომ წარმატებული ჟურნალისტია და მაგას ვერავინ ვერაფერს ვერ აუკრძალავს, ვერცერთი უფროსი ვერ ეტყვის, რატომ გააკეთეო. ამიტომ ხომ შეიძლება გაითვალისწინოს ეს თხოვნა და მე ვიტყვი ყველა დედის სათქმელს იქ, მაგრამ არა." - განაცხადა მარიზი კობახიძემ "ტვ პირველის" ეთერში. 
ჟურნალისტი დაინტერესდა, რა ნათესაური კავშირია სინდის პატიმრის დედასა და შმაგი კობახიხეს შორის, რომელიც საჯარო წყაროების თანახმად, ივანიშვილის დისშვილია.

"შმაგი კობახიძე ჩემს ხელშია გაზრდილი" - ამბობს მარიზი კობახიძე.

ბიძინა ივანიშვილის დის მულიშვილია შმაგი კობახიძე. არ არის მისი დისშვილი. ყველამ იცის, რომ ბიძინას დისშვილია, მაგრამ არა. ის არის ბიძინა ივანიშვილის დის მულისშვილი.  შმაგი კობახიძე ჩემს ხელში გაზრდილია. რაც ბავშვი დაიჭირეს, კონტაქტი არ მქონია.  რომ ვიცოდე, რომ დახმარება შეუძლია, მაინც არასოდეს მივმართავ, არ არსებებს. ჩემი შვილი არის უდანაშაულო და მე არავის არ ვთხოვ, რომ დამეხმაროს და ის ციხიდან გამოვიდეს...

ჩვენი გადასახადებით არჩენენ ოჯახებს საზოგადოებრივ მაუწყებელში. მშიშრები არიან, ასე ვფიქრობ მე. რა გახდა, რომ ორი დედა მოგვიწვიოს. ვფიქრობ, ერიდებიან, რომ რაიონებში ხალხმა არ ნახოს, რას ვსაუბრობთ ჩვენს შვილებზე. ალბათ, ამას არიდებენ თავს, რომ ჩვენ, დედებმა არ ვისაუბროთ ჩვენი შვილების უდანაშაულობაზე..."- ამბობს მარიზი კობახიძე.