ვიეო: ვინ არის რონი მესხი - შს მინისტრის მდინარაძის მეგობარი მოადგილის დოსიე

"ქართული ოცნების" შინაგან საქმეთა მინისტრის პირველი მოადგილის მეუღლე თამთა დანელია "შაბათის ეთერს" უდასტურებს, რომ მისი ქმარი, რონი (როლანდ) მესხი მამუკა მდინარაძის  მეგობარი და უახლოესი გარემოცვის წევრია.

როლანდ მესხი, რეჟიმის მინისტრის მოადგილედ, მას შემდეგ დანიშნეს, რაც სახელი აქტივისტ ქალებზე ძალადობით გაითქვა. ერთი კვირის წინ, რუსთაველზე გამზირზე, 20 წლის გოგონა თმით სწორედ მან ათრია.  აქტივისტი გოგონას თმით თრევის შემდეგ დაწინაურებული, პოლიციელის რონი მესხის მეუღლეც სისტემის ნაწილია - თამთა დანელია კრიმინალური პოლიციის დეპარტამენტში გამომძიებლად მუშაობს.

როგორც "შაბათის ეთერს" უყვებიან, პოლიციელებს მფლობელობაში არსებული ბინების ერთი ნაწილი გაქირავებული აქვთ და პოლიციელების ხელფასს გარდა, შემოსავალს იჯარიდანაც იღებენ. პოლიციელების ოჯახი ემზადება, კერძო სახლის მშენებლობისთვის თბილისის უძველეს და ეკოლოგიურად სუფთა რაიონშიც.
ვინ არის და საიდან მოვიდა როლანდ, იგივე რონი მესხი შვილის თანატოლი გოგონას ძალადობამდე?!
მესხი, სააკაშვილის ხელისუფლების დროს, სპეციალური ოპერატიული დეპარტამენტის (სოდ-ის) თანამშრომელი იყო.

საძიებო სისტემაში, სატელევიზიო არქივსა და რონი მესხის ბიოგრაფიაში კიდევ არაერთი ეპიზოდია, რომელიც მას მამუკა მდინარაძესთან აკავშირებდა და აკავშირებს. ყველაფერი იურიდიულ ფაკულტეტზე დაწყებულა. უნივერსიტეტში დაწყებული მეგობრობა ვაკე-საბურთალოს პოლიციის განყოფილებაში გაგრძელდა. შაბათის ეთერის კონფიდენტი გვიყვება, რომ გამომძიებელ მდინარაძეს მაშინ თანაშემწე ჰყავდა და ეს თანაშემწე რონი მესხი იყო. ზუსტად ამ პერიოდში დააკავეს ოცნების ახლანდელი ლიდერი, რასაც შაბათის ეთერთან ინტერვიუში რამდენიმე წლის წინ, თავად გვიდასტურებს. 
სანდო წყაროს ცნობით,  მდინარაძე მაშინ, საგამოძიებო ნაწილის უფროსთან ზაზა მესხთან ერთად დააკავეს. 
ზაზა მესხი ახლა უკვე ვახო გომელაურის პირველი მოადგილის, რონი მესხის ბიძაა. ჩვენს მიერ მოპოვებული ინფორმაციით, ძალოვან უწყებაში, მდინარაძე სწორედ მესხის პოლიციელმა ბიძამ, ზაზა მესხმა მიიყვანა.