ილია მეორე: არ შეიძლება, ადამიანმა ცოდვა არ ჩაიდინოს, მაგრამ სინანული ასწორებს მას

რელიგია 1637662855

ილია მეორე

არ შეიძლება, ადამიანი იყოს დედამიწაზე და ცოდვა არ ჩაიდინოს, მაგრამ ჩვენ უნდა გვახსოვდეს, რომ სინანული ასწორებს ადამიანს. ვისაც არ შეუძლია სინანული, მას არ შეუძლია გამოსწორება, – ამის შესახებ საქართველოს კათოლიკოს-პატრიარქმა ილია მეორემ სამების საკათედრო ტაძარში განაცხადა და საქართველოს მოსახლეობას გიორგობის დღესასწაული მიულოცა.

„ჩვენთან არს ღმერთი!

გილოცავთ გიორგობას, წმინდა გიორგი იყოს მფარველი ჩვენი ქვეყნისა, მსოფლიოსი.

ჩვენ ვცხოვრობთ რთულ დროს, როცა მრავალი განსაცდელი არის ჩვენ გარშემო, მაგრამ ჩვენ უნდა გვახსოვდეს, რომ ადამიანი არასდროს არ არის მიტოვებული ღვთისაგან, ადამიანი არის მფარველობის ქვეშ.

თქვენ გახსოვთ სიტყვები უფლისა: „ღმერთო ჩემო, ღმერთო ჩემო, რაისათვის დამიტევე მე?!“ – აი, წმინდა გიორგი იყო განსაცდელში. წმინდა გიორგი იყო მხედართმთავარი და საყვარელი ადამიანი იმპერატორისა. იმპერატორი დიოკლეტიანე პატივისცემით უყურებდა მას, მაგრამ განსხვავებულმა სარწმუნოებამ, ქრისტიანობამ, შეცვალა მათი დამოკიდებულება.

ჩვენ უნდა გვახსოვდეს, რომ განსაცდელი არის საშუალება, რომელიც ასწორებს ადამიანს; განსაცდელი არის საშუალება, რომლითაც ღმერთი მოდის ჩვენთან.

არ შეიძლება, ადამიანი იყოს დედამიწაზე და ცოდვა არ ჩაიდინოს; მაგრამ ჩვენ უნდა გვახსოვდეს ის, რომ სინანული ასწორებს ადამიანს. ვისაც არ შეუძლია სინანული, მას არ შეუძლია გამოსწორება.

ჩვენ ვცხოვრობთ ისეთ დროს, როცა მრავალი განსაცდელი არის ჩვენ გარშემო, მაგრამ ღმერთი მოწყალეა, ღმერთი ხედავს გულსა კაცისასა და ჩვენ იმედს არ ვკარგავთ, რომ უფალი შეგვიწყალებს ჩვენ.

მე მინდა კიდევ ერთხელ შეგახსენებთ, რომ განსაცდელი არის მრავალი ჩვენ წინაშე, მაგრამ ერთი საშუალება – ეს არის მონანიება ცოდვისა.

„ჰე, უფალო, მომანიჭე მე განცდაი თვისთა ცოდვათა და არა განკითხვად ძმისა ჩემისა!“

ჩვენ უნდა შევეკითხოთ ჩვენს გონებას, ჩვენს ტვინს: – ჩვენ მოვინანიეთ ჩვენი ცოდვები?!

ღმერთი არის სიყვარული. სიყვარული შეცვლის ადამიანს. სიყვარულმა დაგლოცოთ, ღვთის სიყვარულმა გაგათავისუფლოთ თქვენ, ჩვენ და მთელი მსოფლიო განსაცდელისაგან.

გილოცავთ ამ დიდ დღესასწაულს. საქართველო მუდამ იყო განსაცდელში და მუდამ მონანიებით თავისუფლდებოდა მისგან.

ყველას გილოცავთ გიორგობას, გიორგობა – ეს არის ჩვენი დიდი დღესასწაული.

ვთქვათ ტროპარი წმინდა გიორგისა:

ტყვეთა განმათავისუფლებელო და გლახაკთა ხელის აღმპყრობელო, სნეულთა მკურნალო და მეფეთა უძლეველო წინამბრძოლო, ღვაწლით შემოსილო დიდო მოწამეო გიორგი, ევედრე ქრისტესა ღმერთსა შეწყალებად სულთა ჩვენთათვის! ამინ!

წმინდა გიორგი იყოს თქვენი მფარველი, წმინდა გიორგიმ დაიცვას თქვენი ოჯახები, თქვენი შვილები.

ჩვენთან არს ღმერთი!“, – აღნიშნა ილია მეორემ.

მასალის გამოყენების პირობები
სხვა სიახლეები
ცესკო - შეხვედრა
ცესკოს ხელმძღვანელმა პირებმა „სამართლიანი არჩევნების“ წარმომადგენლებთან 26 ოქტომბრის არჩევნებისთვის მზადების პროცესი განიხილეს

2024 წლის 26 ოქტომბრის პარლამენტის არჩევნებსა და აღნიშნულ არჩევნებში სადამკვირვებლო ორგანიზაციების როლზე ისაუბრეს დღეს ცენტრალურ საარჩევნო კომისიაში (ცესკო) გამართულ შეხვედრაზე. ცესკოს ხელმძღვანელი პი...

საზოგადოება 1718190674

ამინდი
„ტემპერატურა +33, +35 გრადუსამდე მოიმატებს” - მეტეოროლოგი

მეტეოროლოგი, კობა ფარტენაძე უახლესი დღეების პროგნოზზე წერს: „მომდევნო 4 დღე ხასიათდება ძლიერი მეტეოროლოგიური დიქოტომიით ჩვენს ქვეყანაში. თუ, ერთის მხრივ, ჩვენ ვიპოვით გამოხატული არასტაბილურობის კონტექ...

საზოგადოება 1718170760

პაპუაშვილი შალვა
„უამრავ ქართულ, ჭეშმარიტად მამულიშვილურ საქმეთა შორის, რომელიც ბიძინა ივანიშვილის ქველმოქმედებათა ნუსხაშია, იოანე ზოსიმეს ხელნაწერის სამშობლოში გადმობრძანება ერთ-ერთი მართლაც ფასდაუდებელი აქტია“ - შალვა პაპუაშვილი

უამრავ ქართულ, ჭეშმარიტად მამულიშვილურ საქმეთა შორის, რომელიც ბიძინა ივანიშვილის ქველმოქმედებათა ნუსხაშია, იოანე ზოსიმეს ხელნაწერის სამშობლოში გადმობრძანება ერთ-ერთი მართლაც ფასდაუდებელი აქტია, უძვირფ...

პოლიტიკა 1718170690

წილოსანი.jpg
„ნინო ფიქრობს, რომ იოანე ზოსიმე დაიბადა მე-5 საუკუნეში და მთელი ორი საუკუნე ქმნიდა ამ ხელნაწერს…“

ფილოლოგი, ,,შეაჩერე კორუფციის” თანადამფუძნებელი, ქეთევან ენუქიძე სოციალურ ქსელში ნინო წილოსანის პოსტს აზიარებს და წერს: ,,ზუსტად ვიცი, რომ 990-ში გარდაიცვალა ჩემი იოანე ზოსიმე… ❤️ნინო ფიქრობს, რომ დაი...

სოცმედია 1718169654

ნიდერლანდები უკრაინა
ნიდერლანდები უკრაინისთვის 60 მილიონი ევროს ღირებულების დრონებს შეიძენს

ნიდერლანდები "უკრაინის შეტევითი დრონების პოტენციალის გასავითარებლად", 60 მილიონ ევროს გამოყოფს. ინფორმაციას ამის შესახებ ქვეყნის თავდაცვის მინისტრი კაისა ოლონგრენი ადასტურებს. ცნობილია, რომ ნიდერლანდე...

რუსეთ-უკრაინის ომი 1718169505

მაია ორჯონიკიძე.PNG
„მარტო მე მეჩვენება, რომ იოანე ზოსიმეს წიგნი კრისტის აუქციონზე საეჭვოდ “დროულად” გამოჩნდა“ - მაია ორჯონიკიძე

მაია ორჯონიკიძე სოცქსელში წერს: მარტო მე მეჩვენება რომ იოანე ზოსიმეს წიგნი კრისტის აუქციონზე საეჭვოდ “დროულად”გამოჩნდა? “ტრიუკების” სერიალის მერამდენე სეზონია? ვითომ პარანოია მჭირს?

სოცმედია 1718168038