სასწაულმოქმედი კანდელი, რომელიც ბერებს უბედურების მოახლოებას ამცნობს - რა სასწაულებზე საუბრობენ მლოცველები

რელიგია 1698610500

სასწაულმოქმედი კანდელი

ივერთა მონასტრის ღვთისმშობლის მიძინების სახელობის მთავარ ტაძარში, ზუსტად მშვენიერი სამეუფო კარის წინ ჰკიდია დიდი უძველესი ვერცხლის კანდელი, შეწირული მღვდელმონაზონ ბენედიქტე ქიოტიშვილის მიერ 1834 წელს.

საეკლესიო გამოცემა orthodoxy.ge ამ კანდელის და მასთან დაკავშირებული სასწაულის შესახებ წერს.

"საეკლესიო გადმოცემის თანახმად, ეს კანდელი წარმოადგენს უცნაურ და საიდუმლოებით მოცულ მოვლენას, ხილულ საოცრებას, ვინაიდან არ ემორჩილება სიმძიმის ძირითად კანონს და მოძრაობს თავისთავად, ან უკეთ რომ ვთქვათ, უხილავი ძალით, რიტმულად და ჰორიზონტალურად დიდი ხნის განმავლობაში. ეს სასწაული ხდება დიდ დღესასწაულებზე წირვისა და ლოცვის დროს, ხოლო ჩვეულებრივ დღეებში მოულოდნელად და უეცრად მიუხედავად იმისა, არის თუ არა ლიტურგია. დღესასწაულებზე კანდელი მოძრაობას იწყებს მეტწილად ღამის თევის დროს, როდესაც იწყება ღვთისმსახურების მთავარი ნაწილი, როცა სასიხარულო ჰიმნებსა და საგალობლებს უგალობენ უფალს. ეს საკვირველი სანახაობა იმ წუთებში იწვევს შიშსა და გაოცებას, სიხარულსა და მოკრძალებას, როგორც მონასტრის მამათა შორის, ასევე იმ დროს იქ მყოფ მლოცველებშიც, რომლებიც პირველად ხედავენ ამ მოვლენას.

უძველესი გადმოცემის მიხედვით, რომელმაც დღემდე მოაღწია უხუცესი მამებისაგან, კანდელის თავისთავად მოძრაობას დღესასწაულებზე შემდეგი მნიშვნელობა აქვს: ითვლება, როგორც თვალხილული ნიშანი და დასტური იმისა, რომ ღვთისმშობელი იმ დროს თავის ტაძარში იმყოფება და ეუბნება იქ მყოფთ: „აი ნიშანი, შეხედეთ, თქვენთანა ვარ, თქვენთან ერთად ვმონაწილეობ ზეიმში და ბერებთან და სხვა ქრისტიანებთან ერთად ვზეიმობ, ვითარცა დედა თავის შვილებთან. ვლოცავ პატიოსანი და კეთილი საქმეების მოქმედთ. თბილ დედობრივ დარიგებას ვაძლევ ზარმაცთ, რომ გამოსწორდნენ, რადგან მიუხედავად მთელი ჩემი თანაგრძნობისა მათ მიმართ, უძლური ვარ რაიმე გავაკეთო გულგრილთა სულების გადასარჩენად“.

რაც შეეხება კანდელის მოძრაობას ჩვეულებრივ დღეებში, იგივე გადმოცემის მიხედვით, იგი მოასწავებს რაიმე უბედურებას ქვეყნისთვის სავალალო შედეგებით, როგორიცაა, მაგალითად, მიწისძვრა, ომი ან სასიკვდილო ეპიდემია. ესეც ღვთის განგებაა, ღვთისმშობლის მეოხება, დროული შეტყობინება, რათა ლოცვითა და სინანულით გამოვისყიდოთ ჩვენი შეცოდებანი.

ივერთა მონასტრის მატიანე მოგვითხრობს ასეთ საკვირველ შემთხვევას. ერთხელ ტაძრის ახალგაზრდა მნათემ ჩათვალა, რომ კანდელის მოძრაობა დამოკიდებული იყო ქარის ქროლვაზე. ამიტომაც გადაწყვიტა ქვიშა ჩაეყარა კანდელის გარე სათავსოში მის დასამძიმებლად და ამგვარად, მისი აზრით, კანდელი აღარ იმოძრავებდა. მაგრამ პირველსავე ღამეს, როცა  ტაძარში შევიდა თავისი მოვალეობის შესასრულებლად, იხილა სხვა საოცრება. კანდელი სიმძიმის გამო მოწყვეტილი იყო თავის საკიდს და იატაკზე დაცემული გამართული იდგა, მიუხედავად იმისა, რომ მისი ფორმა ქვემოთ ვიწრო და წვეტიანი იყო. წინანდელივით ენთო მისი შუქი, თითქოსდა არაფერიც არ შემთხვევია. მაშინ შეშინებულმა მნათემ გადმოყარა ქვიშა, კანდელი ძველ ადგილს დაუბრუნა და მყის თვალცრემლიანი გაიქცა თავისი შეცოდების საღიარებლად; განუცხადა ყველას ეს ახალი სასწაული და ადიდა კარიბჭის ღვთისმშობელი, რადგან ამ გზით გამოიყვანა იგი ურწმუნოებიდან და ასწავლა, რომ „სადაც ღვთის განგებაა, იქ ბუნების კანონები მარცხდებიან“.

ათონელთა მოწმობით, თურქეთის ჯარების კვიპროსზე თავდასხმის წინა დღეებში კანდელი ისე ძლიერად მოძრაობდა, რომ ზეთი ძირს იღვრებოდა. იგივე ხდებოდა ამერიკა-ერაყის ომის დაწყებამდე. კანდელი მოძრაობდა სომხეთის თავს დამტყდარი მიწისძვრის წინაც.

ივერთა მონასტრის მამები ყურადღებით ადევნებენ თვალს საკვირველთმოქმედ კანდელს. როცა იგი ჩვეულებრივ დღეებში განსაკუთრებით ძლიერად იწყებს მოძრაობას, დაუყოვნებლივ ატყობინებენ ხოლმე ათონის მთის ყველა მონასტერს, რის შემდეგაც აღევლინება ერთობლივი ლოცვა ყოვლადწმინდა ღვთისმშობლის მეოხებისა და შეწყალებისათვის."

მასალის გამოყენების პირობები
სხვა სიახლეები
ივანიშვილი
„იქ მყოფი ადამიანები ამბობენ, რომ ბიძინა უჟმურად შეხვდა ხალხს და იყო უხასიათო“ - ვიკა ბუკია

ჟურნალისტი ვიკა ბუკია სოცქსელში წერს: იქ მყოფი ადამიანები ამბობენ, რომ ბიძინა უჟმურად შეხვდა ხალხს და იყო უხასიათო. ნიღაბიც იმიტომ ეკეთა, რომ სულ უფრო ნაკლებად ენახათ ის სახე, რა სახეც მერე ყველამ ვიხ...

სოცმედია 1721274926

ნოზაძე
„გინდათ ისეთი კითხვა დამისვათ, ამრიოთ, დამრიოთ, არ გამოგივათ რა… აქ მოვედი 2012-ში, ახლაც და როცა არჩევნები იქნება, ყოველთვის მოვალ – საქართველო ირჩევს „ოცნებას“ - რამაზ ნოზაძე

„ქართული ოცნების“ ცენტრალური ოფისის გახსნის ღონისძიებაზე მმართველი გუნდის მხარდამჭერები – ცნობილი სპორტსმენი, რამაზ ნოზაძე და მისი მეუღლე, ჟურნალისტი ხატია სიჭინავაც იმყოფებოდნენ. ჟურნალისტებმა მათ კი...

საზოგადოება 1721272608

ნიკო უილიამსი
„დედამ ესპანეთამდე უდაბნო ფეხშიშველმა გამოიარა, რათა ჩვენ პურის ფული გვქონოდა, ეს გამარჯვება დედას ეკუთვნის” - ნიკო უილიამსი

კვირას, ბერლინში გამართული მსოფლიო ჩემპიონატის ფინალური მატჩის ერთ-ერთი მთავარი გმირი უდავოდ გახდა ესპანელი ნიკო უილიამსი. ესპანეთის ნაკრების თავდამსხმელი ფინალური მატჩის საუკეთესო ფეხბურთელად დასახელ...

სპორტი 1721272465

ლევანტეს ადმინი
ვინ არის „ლევანტეს“ ფეისბუკ გვერდის ადმინი, რომელიც პოსტებს ქართულად წერს

საქართველოს ეროვნული ნაკრების გასვლამ ევროპის ჩემპიონატზე ბევრი ხელსაყრელი მომენტი მოგვიტანა. საფეხბურთო სამყარომ გაიგო, რომ არსებობს გუნდი, „ჯვაროსნები“, რომლებიც დასახული მიზნისთვის, ქვეყნისა და გულ...

სპორტი 1721272225

ევრო დოლარი
ნახეთ, რამდენად იყიდით დღეს დოლარს და ევროს - ეროვნული ბანკის ოფიციალური მონაცემები

1 აშშ დოლარი -2.6975 ლარი ეღირება;1 ევრო - 2.9492 ლარი;1 ფუნტი - 3.5151  ლარი; 1 ლირა კი 0.0815 ლარი;

ბიზნესი & ეკონომიკა 1721271908

გიორგი უშიკიშვილი
"ვდგები თქვენ გვერდით" - გიორგი უშიკიშვილი ახალ ოპოზიციურ გაერთიანებას შეუერთდა

მომღერალი გიორგი უშიკიშვილი ლელოს, ანა დოლიძის პარტიისა და ლევან ცუცქირიძის პოლიტიკური მოძრაობის ახალ ოპოზიციურ გაერთიანებას შეუერთდა.   უშიკიშვილის განცხადებით, ახლა ყველამ უნდა გადადოს თავისი ამბიცი...

საზოგადოება 1721271686