“არასდროს დათანხმდეთ ოკუპაციას“ - ალიევი უკრაინას

“არასდროს დათანხმდეთ ოკუპაციას“ | ასე უპასუხა აზერბაიჯანის პრეზიდენტმა, ილჰამ ალიევმა უკრაინელი ჟურნალისტის, დმიტრი გორდონის კითხვას, რას ურჩევდა უკრაინას და უკრაინელებს, როგორც ომში გამარჯვებული ქვეყნის ლიდერი
 

“არასდროს დათანხმდეთ ოკუპაციას. ეს არის მთავარი რჩევა. ეს არის ის, რასაც ჩვენ ვაკეთებდით, როგორც ჩვენ ვხედავდით ამ პროცესს. ვინაიდან ყარაბაღის პირველი ომის პერიოდი იყო რთული, ტრაგიკული, მრავალრიცხოვანი მსხვერპლით, აზერბაიჯანელების გენოცოდით, კონფლიქტისადმი პერიოდი იყო არანაკლებად რთული მორალური და ეკონომიკური თვალსაზრისით. ჩვენ გვყავდა მილიონი ადამიანი, რომლებიც საარსებო სახსრების გარეშე დარჩნენ. ფული არ გვქონდა, ხაზინა ცარიელი იყო. ჩვენ პრაქტიკულად არავინ გვიჭერდა მხარს. არავისგან გვქონდა მნიშვნელოვანი საერთაშორისო მხარდაჭერა. ეკონომიკა ნანგრევებში იყო, ინფლაცია ათასი პროცენტი, მასშტაბური უმუშევრობა, სიღარიბე კი 100 პროცენტს უახლოვდებოდა. ასეთი იყო აზერბაიჯანი, როდესაც მას სათავეში ჰეიდარ ალიევი ჩაუდგა… თანდათან ჩვენ ფეხზე ადგომა, აღორძინება დავიწყეთ და ვფიქრობდით მხოლოდ ერთზე – როგორ დავიბრუნოთ ოკუპირებული ტერიტორია. გვესმოდა, რომ რთული იქნებოდა, უპირველეს ყოვლისა რელიეფის გამო. ჩვენ ყველა ამით ვცხოვრობდით, რომ დაგვებრუნებინა ჩვენი ძირძველი ტერიტორიები. საერთაშორისო გარემოებები ჩვენ წინააღმდეგ იყო. ეუთო-ს მინსკის ჯგუფის თანათავმჯდომარეები, თითოეული თავისი მიზეზით, იყვნენ სომხეთის მხარეს და ყველა ცდილობდა, რომ ეს სიტუაცია მარადიულად გაგრძელებულიყო და ეს სტატუს კვო არ შეცვლილიყო“ | თქვა ალიევმა