კიევში მომხდარი თავდასხმის ფაქტზე გამოძიება ტერორისტული მუხლით მიმდინარეობს - უკრაინის გენერალური პროკურორა

უკრაინის გენერალური პროკურორის ინფორმაციით, გუშინ კიევში მომხდარი თავდასხმის ფაქტზე გამოძიება ტერორისტული მუხლით მიმდინარეობს | ამის შესახებ უკრაინის გენერალური პროკურორი რუსლან კრავჩენკო Telegram-არხზე წერს „აღძრულია სისხლის სამართლის საქმე უკრაინის სისხლის სამართლის კოდექსის 258-ე მუხლის მე-3 ნაწილით, დედაქალაქის გოლოსეევსკის რაიონში მშვიდობიანი მოსახლეობის მიმართ სროლისა და მძევლების აყვანის მიმართულებით – ტერორისტული აქტი, რომელიც სიკვდილით დასრულდადადგენილია თავდამსხმელის ვინაობა – ეს არის 1968 წელს დაბადებული მამაკაცი, რომელიც რეგისტრირებულ ცეცხლსასროლ იარაღს იყენებდა.თავდასხმის შედეგად ექვსი ადამიანი დაიღუპა. მათ შორის არიან მამაკაცი, რომელიც ადგილზე გარდაიცვალა და ქალი, რომელიც მიღებული ჭრილობების შედეგად საავადმყოფოში გარდაიცვალა. მათი ვაჟი ბავშვთა სამედიცინო დაწესებულებაში იმყოფება ცეცხლსასროლი იარაღით მიყენებული ჭრილობით და საჭირო მკურნალობა უტარდება. წინასწარი გამოძიება კიევის საქალაქო პროკურატურის საპროცესო ხელმძღვანელობით მიმდინარეობს. უკრაინის უსაფრთხოების სამსახურთან და ეროვნულ პოლიციასთან კოორდინაციით, ტარდება ყველა საჭირო ღონისძიება დანაშაულის გარემოებებისა და მისი ჩადენის მოტივების დასადგენად." | წერს უკრაინის გენერალური პროკურორი

 გუშინ კიევში შეიარაღებული თავდასხმა განხორციელდა. ქალაქის ერთ-ერთ რაიონში თავდამსხმელმა გამვლელებს სანადირო თოფიდან ესროლა, რის შემდეგაც სუპერმარკეტში შეიჭრა და მძევლები აიყვანა. შედეგად დაიღუპა 6 ადამიანი, 10 კი დაშავდა. სპეციალური ოპერაციის შემდეგ დამნაშავე ლიკვიდირებულია. თავდამსხმელი მოსკოვში დაბადებული 58 წლის დიმიტრი ვასილჩენკოვია, რომელიც კიევში ცხოვრობდა. უკრაინული მედიის ინფორმაციით, დიმიტრი ფიგურირებდა პრორუსულ საჯარო გვერდებზე და თანხებს რიცხავდა უკრაინაში რუსეთის ომის მხარდასაჭერად.