ნოვომოსკოვსკში უკრაინის წინააღმდეგ ომში მონაწილე ავტომობილში ააფეთქეს - მას უკრაინელი ტყვეების წამებაში ადანაშაულებდნენ

2 ოქტომბერს, ტულის ოლქის ქალაქ ნოვომოსკოვსკში ააფეთქეს უკრაინის წინააღმდეგ ომის მონაწილის ავტომობილი. ამის შესახებ უკრაინული მონიტორინგის Telegram-არხი Exilenova+ იუწყება.

ანონიმური არხის „ВЧК-ОГПУ“-ს ცნობით, ასაფეთქებელი მოწყობილობა ავტომობილის ძირზე იყო დამონტაჟებული. დაღუპული მძღოლი რომან სირომიატნიკოვია. ამავე სახელის მქონე პირის დაღუპვის ფაქტი ადგილობრივმა გამოცემა „ნოვომოსკოვსკ სეგოდნიამ“ დაადასტურა.

გაჟონილ მონაცემებზე დაყრდნობით, გამოცემა „ვაჟნიე ისტორიი“ წერს, რომ 2010-იან წლებში სირომიატნიკოვი ტულის ოლქის სასჯელაღსრულების ფედერალური სამსახურის (ФСИН) დაწესებულებებში მუშაობდა. 2023 წელს მან კონტრაქტი გააფორმა რუსეთის თავდაცვის სამინისტროსთან, ხოლო 2024 წლის ბოლოს ტულის ოლქში მკურნალობის კურსის გასავლელად დაბრუნდა.

უკრაინის გენერალური პროკურატურა სირომიატნიკოვს ადანაშაულებდა იმაში, რომ 2022 წელს, ტულის ოლქის №1 სასჯელაღსრულების კოლონიის თანამშრომლობისას, იგი მონაწილეობდა ამავე დაწესებულებაში მოთავსებული უკრაინელი სამხედრო ტყვეების წამებასა და ცემაში.

ამასთან, თავად სირომიატნიკოვი აცხადებდა, რომ ომში წასვლამდე (სულ მცირე 2021 წლიდან) ნოვომოსკოვსკის კოლეჯში სიცოცხლის უსაფრთხოების საფუძვლების  მასწავლებლად მუშაობდა. 

ВЧК-ОГПУ-სა და Rucriminal.info-ს მონაცემებით, ნოვომოსკოვსკში ავტომობილის ქვეშ მომხდარი აფეთქების შედეგად უკრაინის ომის მონაწილე რომან სირომიატნიკოვი დაიღუპა. იგი უკრაინის ტერიტორიაზე 106-ე დივიზიის 51-ე პოლკის საპარაშუტო-დესანტო ასეულის შემადგენლობაში იბრძოდა და მასზე უკრაინის გენერალური პროკურატურის მიერ ძებნა იყო გამოცხადებული.