"თუ კიევი შეეცდება თავს დაესხას მოსკოვს 9 მაისს საზეიმო ღონისძიებების ჩასაშლელად, რუსული ჯარები განახორციელებენ მასიურ საპასუხო დარტყმას კიევის ცენტრზე“ - ზახაროვა

"მთელმა მსოფლიომ უნდა მოისმინოს რუსეთის გაფრთხილება ზელენსკის მიმართ, რომელიც გამარჯვების დღის აღლუმს ემუქრება და გააცნობიეროს მომენტის მნიშვნელობა... ეს გაფრთხილება გაკეთდა იმიტომ, რომ ჩვენ გვესმოდა: კოლექტიური დასავლეთი, ეს კოლექტიური დასავლური უმცირესობა, ყველაფერს აკეთებს, რათა კიდევ ერთხელ აარიდოს თვალი კაცთმოძულე ლოგიკას და არ მოისმინოს ზელენსკის აბსოლუტურად ექსტრემისტული, ტერორისტული მუქარები; რათა კიდევ ერთხელ აღმოუჩინონ მას პოლიტიკური მხარდაჭერა, განათავსონ იგი საინფორმაციო წინა პლანზე და, რა თქმა უნდა, მიაწოდონ იარაღი, ფული და ა.შ. სწორედ იმისთვის, რომ ისინი გამოფხიზლდნენ და გააცნობიერონ სიტუაციის სერიოზულობა, გატარდა შესაბამისი ზომების ერთობლიობა, რომელსაც ჰქონდა ასეთი საინფორმაციო მხარდაჭერა: მკაფიო, გასაგები და, კიდევ ერთხელ ვუსვამ ხაზს, საპასუხო ხასიათის“ | თქვა რუსულ პროპაგანდისტულ მედიასთან ინტერვიუში რუსეთის საგარეო საქმეთა სამინისტროს პრესსპიკერმა მარია ზახაროვამ

 "თუ კიევი შეეცდება თავს დაესხას მოსკოვს 9 მაისს საზეიმო ღონისძიებების ჩასაშლელად, რუსული ჯარები განახორციელებენ მასიურ საპასუხო დარტყმას კიევის ცენტრზე... ეს არის მკაფიო გაფრთხილება საპასუხო ნაბიჯების შესახებ, რომლებიც გადაიდგმება, თუ ზელენსკის მიერ ერევანში გაჟღერებული შემზარავი მუქარები პრაქტიკაში განხორციელდება“ | ამბობს ზახაროვა

 8 მაისს აშშ-ის პრეზიდენტმა, დონალდ ტრამპმა განაცხადა, რომ უკრაინასა და რუსეთს შორის 3-დღიანი ცეცხლის შეწყვეტის რეჟიმი ამოქმედდება. გადაწყვეტილება ძალაშია 9, 10 და 11 მაისს. "ცეცხლის შეწყვეტა მოიცავს ყოველგვარი კინეტიკური აქტივობის შეჩერებას, ასევე თითოეული ქვეყნიდან 1000 პატიმრის გაცვლას. ეს თხოვნა პირადად ჩემი მხრიდან იქნა დაყენებული და ძალიან ვაფასებ პრეზიდენტ ვლადიმერ პუტინისა და პრეზიდენტ ვოლოდიმირ ზელენსკის თანხმობას ამ საკითხზე" დაწერა ტრამპმა Truth Social-ზე. მანამდე კი უკრაინის პრეზიდენტმა ვოლოდიმირ ზელენსკიმ გამოსცა განკარგულება, სადაც წერია: "ნება დაერთოს 2026 წლის 9 მაისს ქ. მოსკოვში (რუსეთის ფედერაცია) აღლუმის ჩატარებას.აღლუმის მსვლელობისას (2026 წლის 9 მაისის კიევის დროით დილის 10 საათიდან) წითელი მოედნის ტერიტორიული კვადრატი ამოღებულ იქნას უკრაინული შეიარაღების გამოყენების გეგმიდან