„ნია იმნაძეს შესაძლოა, სასამართლო დარბაზიდანაც ბორკილები დაადონ და პირდაპირ გაუშვან საპატიმროში“ - გიგა ავალიანის დედა, ეკა კუპატაძე

"უპრეცედენტო შემთხვევაა - საქართველოს ისტორიას არ ახსოვს, რომ არასრულწლოვანი იძულების წესით მიეყვანოთ სასამართლო პროცესზე. ნია იმნაძეს მოუწევს სასამართლო პროცესზე მოყვანა, ყველა კითხვაზე მოუწევს პასუხის გაცემა, აღარ გამოუვა ის რაღაცა ფარსი, ფურცლების ფრიალი და რა პასუხების გაცემა მოუწევს, ვერც წარმოუდგენია მის ადვოკატს გიორგი ლეკიშვილს. აბა, ახლა დაარიგოს, აბა, ახლა ასწავლოს რის შემდეგ როგორ, რა უნდა თქვას, თუ დაუსხლტება ის კითხვებს. მალევე ალბათ, ერთ-ორ დღეში, შესაძლოა, სასამართლო დარბაზიდანაც მას ბორკილები დაადონ და პირდაპირ გაუშვან საპატიმროში. მე დარწმუნებული ვარ, ეს ასე იქნება" | ამბობს მოკლული მასწავლებლის, გიგა ავალიანის დედა ეკა კუპატაძე TV პირველთან საუბრისას.

მან რამდენიმე დღის წინ სოციალურ ქსელში დაწერა, რომ იმნაძის ადვოკატი ცდილობდა, ჯანმრთელობის მდგომარეობის გამო პროცესზე მისვლა თავიდან აერიდებინა. თუმცა, მოგვიანებით მანვე გაავრცელა ინფორმაცია, რომ სასამართლომ პროკურორის შუამდგომლობა დააკმაყოფილა და ნია იმნაძე 7 მაისს 16:00 საათზე გამოიკითხება ] ახალგაზრდა მასწავლებელი, გიგა ავალიანი, რომელსაც 1 ოქტომბერს სახლთან ჩაუსაფრდნენ და სცემეს, 25 ოქტომბერს კლინიკაში გარდაიცვალა. 26 წლის მასწავლებელს თავის არეში უმძიმესი დაზიანებები მიაყენეს, მას ორი ოპერაცია ჩაუტარდა, თუმცა ექიმებმა მისი გადარჩენა ვერ შეძლეს

გიგა ავალიანის საქმეზე ალექსანდრე გაბაშვილსა და გიორგი რიკაძეს 14-14 წლით, დემეტრე ჩიქოვანს კი 9 წლით თავისუფლების აღკვეთა მიესაჯათ. არასრულწლოვანთა მართლმსაჯულების კოდექსის თანახმად, მსჯავრდებულებს სასჯელი 1/4-ით შეუმცირდათ, შესაბამისად, გაბაშვილი და რიკაძე პენიტენციურ დაწესებულებაში 10 წელსა 6 თვეს მოიხდიან, დემეტრე ჩიქოვანი კი 6 წელსა და 9 თვეს