თამაზ ელიზბარაშვილს ჩხრეკენ - შსს გამოძიებას მუქარისა და იარაღის უკანონო შეძენა-შენახვის მუხლებით აწარმოებს
სამართალი • 1788275335
ბიზნესმენ თამაზ ელიზბარაშვილს პირად ჩხრეკას უტარებენ. ჯერჯერობით უცნობია, მოჰყვება თუ არა აღნიშნულ საგამოძიებო მოქმედებებს მისი დაკავება.
როგორც შინაგან საქმეთა სამინისტროში აცხადებენ, გამოძიება სისხლის სამართლის კოდექსის ორი მუხლით მიმდინარეობს:
151-ე მუხლი - მუქარა;
236-ე მუხლი - ცეცხლსასროლი იარაღის მართლსაწინააღმდეგო შეძენა, შენახვა და ტარება.
ძაღლების თავშესაფრის „ფეისბუკ“ გვერდზე გავრცელებულ პირდაპირ ეთერში ისმის, როგორ უხსნის გამომძიებელი ელიზბარაშვილს, რომ მიმდინარეობს მისი პირადი ჩხრეკა, რაც 30 აგვისტოს მომხდარ ინციდენტს უკავშირდება.
თავად თამაზ ელიზბარაშვილი განმარტავს, რომ მას ტელეკომპანია „იმედის“ თანამშრომლებმა უჩივლეს, რომლებთანაც სიტყვიერი დაპირისპირება 30 აგვისტოს, ლისზე მდებარე რესტორან „სხვაში“ მოუვიდა. ბიზნესმენის მტკიცებით, მას თავს პოლიტიკური შეხედულებების გამო დაესხნენ:
„30-ში რესტორან 'სხვაში' ვიყავით მე და ჩემი მეუღლე, ტუალეტში ხელის დასაბანად ჩავედით, 8 კაცი მოვიდა, გადაკეტა კორიდორი და მეუბნებიან, ფეხს არ მოვიცვლით აქედან, სანამ ბოდიშს არ მოგვიხდიო. რატომ უნდა მოგიხადოთ ბოდიში, ვინ ხართ, არ გიცნობთ-მეთქი. ჩვენ TV 'იმედის' თანამშრომლები ვართო, შენი პოზიცია არ მოგვწონს, უკრაინას მხარს რომ უჭერ და რუსებს რომ აგინებო, არ 'გვევასებიო' და ბოდიში უნდა მოგვიხადოო. ვუთხარი, ცოლს დავტოვებ სახლში, ნახევარ საათში ჩამოვალ და დაგელაპარაკებით-მეთქი. მეუღლე დავტოვე, არც დამჭირდა ნახევარი საათი, 20 წუთში ჩამოვედი და ესენი გაიქცნენ, არცერთი არ დამხვდა და ახლა ესენი მიჩივიან მე?!“ — აცხადებს ელიზბარაშვილი გავრცელებულ ვიდეოში.
აღნიშნულ ინციდენტთან დაკავშირებით, 31 აგვისტოს, თამაზ ელიზბარაშვილმა სოციალურ ქსელში პოსტიც გამოაქვეყნა:
„ტვ 'იმედის' თანამშრომლებო, წუხელ ლისზე, რესტორან 'სხვაში' ჩემთან ძალიან შეგეშალათ. დღის ბოლომდე გაძლევთ დროს ბოდიშის მოსახდელად“.
საქმეზე საგამოძიებო პროცედურები გრძელდება.
10 ნოემბრის ენერგიები ხასიათდება კომუნიკაბელურობით, ახალი ინფორმაციის აქტიური მიღებისა და საქმიანი კავშირების გაღრმავების სურვილით. კოსმოსური ფონი გვიბიძგებს დიალოგის, მოლაპარაკებებისა და იდეების თავი...
ეს საინტერესოა • 1794259717
1990-1991 წლებში საქართველოს უზენაესი საბჭოს თავმჯდომარის მოადგილე, ეროვნული მოძრაობის წევრი ნემო ბურჭულაძე 80 წლის ასაკში გარდაიცვალა."დღეს, 9 ნოემბერს, საღამოს 21:00 საათზე, გარდაიცვალა ეროვნული მოძ...
საზოგადოება • 1794255504
რუსეთის 27 რეგიონში ადამიანის იმუნოდეფიციტის ვირუსმა (აივ) გენერალიზებული ეპიდემიის ფაზას მიაღწია — ინფექცია ვრცელდება არა მხოლოდ ტრადიციულ რისკ-ჯგუფებში, არამედ მთელ მოსახლეობაში. „როსპოტრებნადზორის“...
მსოფლიო • 1794243762
ექსპრემიერი ირაკლი ღარიბაშვილი საპატიმროდან მორიგ წერილს ავრცელებს და მის წინააღმდეგ მიმდინარე სასამართლო პროცესების დახურვას ეხმაურება.როგორც ღარიბაშვილი აღნიშნავს, 2 ნოემბერს სასამართლოში მისი საქმი...
პოლიტიკა • 1794242544
2026 წლის მესამე კვარტალში სერბეთში, საქართველოში და სომხეთში — რუსეთის მოქალაქეთა გასვლის მაჩვენებელმა ბოლო 17 წლის განმავლობაში რეკორდულ ნიშნულს მიაღწია. მონაცემები რუსეთის ფედერალური უსაფრთხოების ს...
პოლიტიკა • 1794240904
გლდანის რაიონში, ე.წ. მუხიანის აგარაკებზე ინფრასტრუქტურული სამუშაოები აქტიურ რეჟიმში მიმდინარეობს. სრულდება რაჭის ქუჩის რეაბილიტაცია. ამ დროისთვის, დაახლოებით 5 000 კვ.მ ფართობზე ასფალტის საფარი იგება...
საზოგადოება • 1794237537










