ავადმყოფის მოვლის საშუალებები “ახალ ხედვაში”

„ახალი ხედვის“ სამედიცინო მაღაზიებში ავადმყოფის მოვლის მრავალფეროვანი საშუალებაა წარმოდგენილი. ამ მიმართულებით სამედიცინო ჯგუფი ევროპული პროდუქციის ოფიციალური დისტრიბუტორია საქართველოში და წარმატებით ახორციელებს 1000-ზე მეტი დასახელების ავადმყოფის მოვლის საშუალების იმპორტსა და რეალიზაციას. მათ შორის არის:  ნაწოლების ლეიბი, იღლიის ყავარჯენი, თვითგადასაადგილებელი საშუალებები, შშმ პირთა ეტლები და კოლოსტომის ჩანთები.

რა დროს არის საჭირო ავადმყოფის მოვლის საშუალებების გამოყენება?

ავადმყოფის მოვლის საშუალებები იმ სამედიცინო ნივთებს აერთიანებს, რომლებიც ადამიანებს ცხოვრების რთულ პერიოდში ეხმარება. საუბარია ხანდაზმულობის, უნარშეზღუდულობისა თუ რაიმე დაავადებების გამო სხვაზე დამოკიდებულ პაციენტებზე. იქიდან გამომდინარე, რომ ადამიანის მოვლას უდიდესი ძალისხმევა და ნებისყოფა სჭირდება, ამ სამედიცინო საშუალებების მნიშვნელობა ცალსახად დიდია. ავადმყოფის მოვლის საშუალებები ადამიანებს  ყოველდღიურ ცხოვრებაში ეხმარება და მდგომარეობას უმსუბუქებს. ეს პროდუქტები პაციენტებს გადაადგილებაში, მოძრაობაში, აწევაში, წონასწორობის დაცვასა და სხვა ინდივიდუალური საჭიროებების მოგვარებაში ეხმარება.

როგორ შევარჩიოთ ავადმყოფის მოვლის საშუალებები?

ავადმყოფის მოვლის საშუალებები ერთმანეთისგან ფუნქციითა და დანიშნულებით განსხვავდება. განვიხილოთ, რამდენიმე მათგანი:

• შშმ პირთა ეტლი - თითოეული მათგანი განსხვავდება მასალით, ზომებით, წონითი დატვირთვით, ფუნქციებითა და შეირჩევა პაციენტის ინდივიდუალური საჭიროებებიდან გამომდინარე. ისინი, ძირითადად, არის კეცვადი, გააჩნია ფეხის საყრდენი და ხელის მუხრუჭი. არსებობს ელექტრო ეტლები და მრავალფუნქციური ეტლი, რომელსაც აქვს მოძრავი საზურგე, ფეხის მოსათავსებელი, შესაძლებელია ასევე თავის დაფიქსირებაც სასურველ პოზიციაში.
• უნიტაზის ასამაღლებელი - მენჯ-ბარძაყის სახსარზე ჩატარებული ოპერაციის შემდგომ პერიოდში გამოიყენება. ეს პროდუქტი ზედაპირს 11-12 სანტიმეტრით ამაღლებს.
• სუდნო სკამი - გამოიყენება ავადმყოფის მოვლის პროცესში. ეს პროდუქტი ეხმარება - როგორც შეზღუდული შესაძლებლობების მქონე პირებს, ასევე მოხუცებსა და პაციენტებს ოპერაციის შემდგომ პრეიოდში. ისინი შეირჩევა პაციენტის ინდივიდუალური საჭიროებებიდან გამომდინარე და, ძირითადად, არის კეცვადი.
• ნაწოლების ლეიბი - ძალიან მნიშვნელოვანი პროდუქტია მწოლიარე პაციენტის მოვლის პროცესში, რადგან ის ხელს უშლის ნაწოლების გაჩენას მწოლიარე პაციენტებში. ნაწოლების საწინააღმდეგო ლეიბს გააჩნია კომპრესორიც, რომელიც უზრუნველყოფს ჰაერის ცირკულაციას და აუმჯობესებს სისხლის მიმოქცევას, განსაკუთრებით, სხეულის იმ წერტილებში, რომლებიც განიცდიან ზეწოლას ხანგრძლივი წოლის პროცესში. შესაბამისად, ნაწოლების მატრასი არის საშუალება, რომლის გამოყენება აუცილებელია კანის ატროფიისა და წყლულების ჩამოყალიბების პრევენციისთვის.

მათი შეძენა ხელმისაწვდომ ფასად არის შესაძლებელი სამედიცინო კომპანია „ახალი ხედვის“ ფილიალებში - თბილისში,  გორში,  ქუთაისსა და ბათუმში. სასურველი პროდუქტის შეძენა მაღაზიების გარდა,  ონლაინ მეთოდითაც, კომპანიის ოფიციალურ ვებგვერდზეც არის შესაძლებელი - akhalikhedva.ge.