საზოგადოება • 1635232611
ივანე ჯავახიშვილის სახელობის თბილისის სახელმწიფო უნივერსიტეტისა და ევროპის საჯარო სამართლის ორგანიზაციის (EPLO) რეგიონული წარმომადგენლობის ერთობლივი პუბლიკაციის „შვიდი ნაბიჯი ევროკავშირის გასააზრებლად“ პრეზენტაცია გაიმართა. ღონისძებას თსუ რექტორი გიორგი შარვაშიძე, საქართველოს განათლებისა და მეცნიერების მინისტრის მოადგილე ნუნუ მიცკევიჩი, EPLO რეგიონული წარმომადგენლობის ხელმძღვანელი იოსებ ნანობაშვილი, დიპლომატიური კორპუსის წარმომადგენლები, პროფესორები და სტუდენტები ესწრებოდნენ.
„შვიდი ნაბიჯი ევროკავშირის გასააზრებლად“ არის ძალიან კარგი აღწერა იმისა, თუ რა გზით უნდა იაროს საქართველომ, რომ შეასრულოს დანაპირები და გახდეს ევროგაერთიანების წევრი. ეს არის EPLO-სა და თბილისის სახელმწიფო უნივერსიტეტის ერთობლივი პროდუქცია და მომავალშიც აქტიურად გავაგრძელებთ თანამშრომლობას,“-განაცხადა გიორგი შარვაშიძემ.
პუბლიკაცია იძლევა ევროკავშირის შესახებ იმ აუცილებელ ცოდნას, რომელიც საჭიროა ევროკავშირის, როგორც უნიკალური საერთაშორისო სუბიექტის, მისი ინსტიტუციონალური მოწყობისა და გადაწყვეტილების მიღების მექანიზმის, ასევე, ევროკავშირში გაწევრიანების ტრაექტორიის გასააზრებლად. პუბლიკაცია ევროკავშირის აღმოსავლეთ პარტნიორობის ფარგლებში ასოცირებული ქვეყნების პერსპექტივიდან განიხილავს ევროკავშირსა და მის ევროპულ სამეზობლოს შორის ურთიერთობებს, ადარებს აღმოსავლეთ პარტნიორობის მონაწილე სახელმწიფოებისა და დასავლეთ ბალკანეთის ქვეყნების ევროპული ინტეგრაციის პროცესებს, იძლევა კონკრეტულ რეკომენდაციებს ასოცირებული ქვეყნების ევროკავშირის გაფართოების პროცესში ჩართვის პრაქტიკულ ნაბიჯებთან დაკავშირებით. ასევე, პუბლიკაცია აღწერს ევროკავშირსა და მის წევრ ქვეყნებს შორის საკანონმდებლო და ადმინისტრაციულ კომპეტენციათა გამიჯვნას კანონშემოქმედებით სფეროში და პრაქტიკულ ჭრილში განმარტავს ევროკავშირის ინსტიტუტების როლს ამ პროცესში.
„წარმოდგენილი პუბლიკაცია არის EPLO სამხრეთ კავკასიის ფილიალის პირველი პროდუქციის პრეზენტაცია, რომელიც მნიშვნელოვანია როგორც საუნივერსიტეტო საზოგადოებისთვის, სამეცნიერო-კვლევითი მიმართულებით, სტუდენტებისთვის და პესონალისთვის, ასევე სამოქალაქო სექტორისთვის. აღნიშნული პუბლიკაცია კიდევ უფრო დაგვეხმარება არა მარტო ცნობიერების ამაღლებაში, არამედ სამეცნიერო-კვლევითი მიმართულებით უკეთესი ანალიტიკური უნარების, სიახლეებისა და იმ სიტუაციის შესაფასებლად, სადაც დღეს ჩვენი ქვეყანა იმყოფება,“-აღნიშნა ნუნუ მიცკევიჩმა.
„ეს არის სახელმძღვანელო, რომელიც ჩვენი საგამომცემლო ჯგუფის თავლსაზრისით მორგებულია აღმოსავლეთ პარტნიორებისა და კონკრეტული წევრების ინტერესებსა და გამოწვევებს და შედგენილია იმდაგვარად, რომ იგი სასარგებლოა არა მხოლოდ სტუდენტებისთვის, არამედ საჯარო სექტორში დასაქმებული პირებისთვის და ასევე აკადემიური, პროფესიული თუ სოციალური ჯგუფებისთვის,“-განაცხადა იოსებ ნანობაშვილმა.
საქართველოში ევროპის საჯარო სამართლის ორგანიზაციის რეგიონული წარმომადგენლობა საქართველოს მთავრობის, EPLO-ს და თსუ-ს ერთობლივი გადაწყვეტილების საფუძველზე გაიხსნა და
ევროპულ ქვეყანათა თანამეგობრობაში საქართველოს ინტეგრაციის ხელშემწყობი საგანმანათლებლო-კვლევითი კომპონენტის შექმნას ისახავს მიზნად. რეგიონული წარმომადგენლობა არის ერთგვარი ფორმატი, სადაც ევროპელი ექსპერტების, მეცნიერების და პრაქტიკოსების ჩართულობით განხორცილდება კვლევები, ტრენინგები, შეიქმნება საგანმანათლებლო პროგრამები, მათ შორის საჯარო სამსახურებისთვის იმ საჭიროებებისა და გამოწვევების გათვალისწინებით, რაც ევროინტეგრაციის პროცესს უკავშირდება. სამუშაო პროცესში აქტიურად მიიღებენ მონაწილეობას აღმოსავლეთ პარტნიორობის ინიციატივის წევრი ქვეყნების, ევროკავშირის კანდიდატი ქვეყნების მეცნიერები, მკვლევრები და პრაქტიკოსები.
საქართველო EPLO-ში 2010 წელს გაწევრიანდა, 2020 წლის 13 აგვისტოს კი ამოქმედდა შეთანხმება რეგიონული წარმომადგენლობის გახსნის შესახებ, რაც კიდევ ერთი ხელშემწყობი ფაქტორი იქნებოდა საქართველოში ევროპული ფასეულობების განმტკიცების, ევროპის საჯარო სამართლის პრინციპების და საჯარო მმართველობის საუკეთესო პრაქტიკის დასანერგად.
ლატვიის პარლამენტის საგარეო საქმეთა კომიტეტის თავმჯდომარე, რიჰარდს კოლსი "ოცნების" მიერ რუსული კანონის ხელახლა ინიცირებას "ამერიკის ხმასთან" ექსკლუზიურ ინტერვიუში მოწინააღმდეგეთათვის "ლაგამის ამოდებად...
პოლიტიკა • 1713506162
მომღერალი თიკა მახალდიანი სოციალურ ქსელში ემოციურ პოსტს აქვეყნებს, სადაც წერს, რომ მისი დედის გარდაცვალებიდან 4 წელი გავიდა. თიკა მახალდიანს სჯერა, რომ „მოვა დრო და ყველა პასუხს აგებს თავის დანაშაულზე...
სოცმედია • 1713504727
"არა რუსულ კანონს!" - მსახიობები და ცნობილი რეჟისორები რუსული კანონის წინააღმდეგ ბრძოლას არ წყვეტენ. პრემიერის შემდეგ რეჟისორმა ლევან (ჭოლა) წულაძემ რუსთაველის გამზირზე შეკრებილებს სოლიდარობა გამოუც...
საზოგადოება • 1713504553
ყოფილი სახალხო დამცველი, ნინო ლომჯარია სოციალურ ქსელში პარლამენტთან, აქციაზე გადაღებულ კადრს გვიზიარებს. ,,Gen-z ვერ გაარუსებთ! წინააღმდეგობა გაგრძელდება მიზნის მიღწევამდე!”, -წერს ნინო ლომჯარია. შეგა...
სოცმედია • 1713498911
ევროპარლამენტარი რასა იუკნევიჩიენე “მთავარ არხთან” რუსული კანონის ირგვლივ განვითარებულ მოვლენებსა და საპროტესტო აქციებზე საუბრისას, ამბობს თუ საქართველოს ევროკავშირში გაწევრიანება სურს, ეს გადამწყვეტი...
პოლიტიკა • 1713496347
ამერიკის შეერთებული შტატების ყოფილი ელჩი საქართველოში, კელი დეგნანის განცხადებას, რომელიც მან ბოლონიაში, ჯონ ჰოპკინსის უნივერსიტეტში გააკეთა, ჟურნალისტი დემნა დევდარიანი სოციალურ ქსელში ავრცელებს: კელ...
პოლიტიკა • 1713496163
ეს საინტერესოა • 1713468243
19 აპრილის ასტროლოგიური პროგნოზი
ეს საინტერესოა • 1713382289
18 აპრილის ასტროლოგიური პროგნოზი
ეს საინტერესოა • 1713296400
17 აპრილის ასტროლოგიური პროგნოზი
ეს საინტერესოა • 1713122762
15 აპრილის ასტროლოგიური პროგნოზი