პოლიციის ადევნების შემდეგ, ავტომობილი საცხოვრებელი სახლის ეზოში შევარდა და 3 ადამიანი დაშავდა - რა მოხდა აღაიანში

კასპის მუნიციპალიტეტის სოფელ აღაიანში საპატრულო პოლიციის ეკიპაჟის მიერ ავტომობილის ადევნება ავარიით დასრულდა. გავრცელებული ინფორმაციით, მსუბუქი ავტომობილი საცხოვრებელი სახლის ეზოში შევვარდა.

შემთხვევის შედეგად სამი ადამიანი დაშავდა, მათგან ერთის მდგომარეობა მძიმეა. დაშავებული კლინიკაშია გადაყვანილი და ოპერაციისთვის ამზადებენ.

ადგილიდან გავრცელებულ კადრებში ჩანს, რომ შემთხვევის შემდეგ ადგილობრივ მოსახლეობასა და საპატრულო პოლიციის თანამშრომლებს შორის დაპირისპირება მოხდა.

ადგილობრივები "პირველებს" მომხდარის შესახებ უყვებიან. 

ერთი ხმა კი გავიგე და მე ვთქვი, მგონი, დიდ კარებს დაეჯახა რაღაცას. მანამ გავედი, უკვე ქვეყანა ხალხი იყო. თქვეს პატარა ბალღები იყოო. მე არ ვიცი, ვინ იყვნენ, ბევრი პოლიციაც იყო. ისეთი განათებული იყო გზა, სულ ინსპექტრები იყვნენ, - ამბობს ადგილობრივი. 

ადგილზე საგამოძიებო მოქმედებები დილამდე მიმდინარეობდა.

მომხდართან დაკავშირებით დღეს განცხადება შსს-მ გაავრცელა. უწყება წერს, რომ საპატრულო ეპიკაჟმა თავდაპირველად KIA-ს მარკის ავტომობილი ციხისძირში შენიშნა და მას გაჩერებისკენ მოწუოდა, თუმცა ოპლიციის მოთხოვნას ავტომობილის მძღოლი არ დაემორჩილა. უწყების ცნობითვე, მას შემდეგ, რაც ავტომობილის სანომრე ნიშნის იდენტიფიცირება მოხდა, საპატრულო ეკიპაჟი მანქანას ჩამოშორდა, თუმცა მოგვიანებით უკვე სოფელ აღაიანში ავტოსაგზაო შემთხვევას წააწყდნენ.