„ქართველს არც პასუხისმგებლობის აღება სურს, არც ვალდებულებების გაზიარება. სახელმწიფოს იდეა საერთოდ ფეხებზე ჰკიდია“ - გოჩა მირცხულავა

ანალიტიკოსი გოჩა მირცხულავა სოცქსელში წერს:

„რუსული კანონიდან“ მოყოლებული, 2025 წლის მარტამდე, იმედით ვიყავი აღსავსე, რომ საქართველოში ნაციის (Nation) იდეა იმარჯვებდა. იმ პერიოდში ამის შესახებ არაერთხელ მითქვამს როგორც აქ, ისე სხვა საჯარო სივრცეებშიც.მერე?მერე დავინახე უკანდახევა. დავინახე, რომ „ქართველმა“ მოქალაქედ ყოფნას ისევ მოსახლედ ყოფნა არჩია. და ვართ ასე — სტომაქზე, თვითგადარჩენასა და პირად კომფორტზე ორიენტირებულ მოსახლეობად ქცეულები.სხვა უამრავ წინააღმდეგობას რომ თავი დავანებოთ, ყარაბაღის შემდეგ, ფაშინიანი — და ეს არც სახელი და გვარია, არც თანამდებობა, რომელიც მას ეკავა ან მომავალში ექნება — არამედ პოლიტიკური კურსი და იდეაა, სომხეთის მოსახლეობას პოლიტიკურად უნდა ჩაექოლა, გაესრისა, გაენადგურებინა.დღეს კი ერთი რამის თქმა უკვე დანამდვილებით შემიძლია: სომხეთში ნაციის (Nation) იდეამ გაიმარჯვა. უფრო სწორად, სომხეთმა გვაჩვენა, რომ ადამიანებმა არჩევანი სწორედ მოქალაქედ ყოფნაზე გააკეთეს.ბევრს უჩნდება კითხვა: რა განსხვავებაა მოსახლედ ყოფნასა და მოქალაქედ ყოფნას შორის?მარტივი.მოქალაქეობა ნიშნავს პასუხისმგებლობას, ვალდებულებას და სახელმწიფოს იდეას, რომელიც შენს უფლებებს იცავს.ქართველს კი არც პასუხისმგებლობის აღება სურს, არც ვალდებულებების გაზიარება. სახელმწიფოს იდეა საერთოდ ფეხებზე ჰკიდია. ძვალ-რბილში აქვს გამჯდარი წარმოდგენა, რომ ქვეყანა მეწველი ძროხაა, სადაც შესაძლოა ერთ დღეში მილიონერი გახდე — ისე, რომ არც ჯეკ-პოტი მოიგო, არც იშრომო და არც იმ ქაღალდში გადაიხადო ფული, რომელსაც ლატარიის ბილეთი ჰქვია