„სამწუხაროა, რომ საქართველოში დიქტატურის წინააღმდეგ ბრძოლის ბოლომდე გაგრძელება ვერ შევძელი... მჯერა, ქართველი ხალხი კრიმინალურ ბანდას და პირადად ბანდიტთა მეთაურ ივანიშვილს პოლიტიკური არენიდან სამუდამოდ მოიშორებს“ - სადიგოვი

„მთელი ჩემი გული, ფიქრები და სული ჩემს ძვირფას საქართველოში, ხალხის გვერდით, პარლამენტის წინ, ჩვენს მებრძოლ მეგობრებთან დარჩა.უდიდეს მადლობას ვუხდი დაფასებისთვის ქართველ ხალხს, ჩემს ყველა თანამებრძოლს, მეგობრებსა და ყველას, ვინც მხარს მიჭერდა.მკვლელმა, კორუმპირებულმა, კრემლისა და პუტინის მონამ, სამშობლოს მოღალატე ივანიშვილმა საერთაშორისო კანონებისა და ევროპული სასამართლოს გადაწყვეტილების დარღვევით, ჩემი საქართველოდან გაძევებით ძალიან დიდი დარტყმა მიაყენა საქართველოს სახელმწიფოს იმიჯს. ამ ნაბიჯით მან ხალხის დღევანდელობა და მომავალი საკუთარ პირად ინტერესებს შესწირა.საქართველოს სახელმწიფო უსაფრთხოების სამსახურმა განაცხადა, რომ „აფგან სადიგოვის საქართველოში დარჩენა საქართველოს სახელმწიფოსთვის ძალიან სერიოზული საფრთხეა“.სამწუხაროა, რომ საქართველოში დარჩენა და დიქტატურის წინააღმდეგ ბრძოლის ბოლომდე გაგრძელება ვერ შევძელი. თუმცა მჯერა, რომ მამაცი, მებრძოლი და თავისუფლებისმოყვარე ქართველი ხალხი ბოლომდე შეუპოვრად და მტკიცედ გააგრძელებს გზას და კრიმინალურ ბანდას, სახელწოდებით ქართული ოცნება, რომელიც დამნაშავეებისგან შედგება, და პირადად ბანდიტთა მეთაურ ბიძინა ივანიშვილს პოლიტიკური არენიდან სამუდამოდ მოიშორებს. მე ქართველი ხალხისა და ჩემი მებრძოლი მეგობრების გვერდით ბოლომდე ვიქნები!უცნობია, რა მოხდება გარკვეული დროის შემდეგ ან რა ტრაგედიებს დაგვატეხენ თავს. პატიმრობა, რეპრესია, იდუმალებით მოცული მკვლელობა - ეს ყველაფერი ნებისმიერ მომენტში შეიძლება შეემთხვას მას, ვინც პოლიტიკური ბრძოლის ველზე დგას.გაუმარჯოს თავისუფლებას! დიქტატურა უნდა დასრულდეს!თავისუფლება ყველა პოლიტპატიმარს!“ | წერს სოციალურ ქსელში აზერბაიჯანელი ჟურნალისტი აფგან სადიგოვი

 5 აპრილს აზერბაიჯანელი ჟურნალისტი აფგან სადიგოვი სასამართლოს გადაწყვეტილებით, პოლიციელის შეურაცხყოფისთვის ქვეყნიდან გააძევეს, 2 000 ლარით დააჯარიმეს და საქართველოში შემოსვლა 3 წლით აუკრძალეს. მისმა უფლებადამცველმა, თამთა მიქელაძემ, გაავრცელა პოსტი, რის გამოც სადიგოვი ქვეყნიდან გააძევეს:"იქ, სადაც დიქტატურაა, პოლიციელები მზად არიან ხელფასისა და „პაგონების“ სანაცვლოდ ყველაფერი გაყიდონ და ფეხქვეშ გათელონ და ამას სიამოვნებით, მთელი გულით და სიამაყით აკეთებენ." ამასთან, შსს-ს მტკიცები, ქართული მხარისთვის ოფიციალური წყაროებით ცნობილი გახდა, რომ აზერბაიჯანის პროკურატურამ გამოიყენა დისკრეციული უფლებამოსილება და იმ სისხლის სამართლის საქმეზე, რომელზეც სტრასბურგის სასამართლოს გაცემული ჰქონდა დროებითი ღონისძიება, სისხლის სამართლებრივი დევნა შეწყვიტა. აფგან სადიგოვი საქართველოდან გაძევების შემდეგ აზერბაიჯანში დააკავეს, თუმცა ის მალევე გაათავისუფლეს.

 აფგან სადიგოვი აზერბაიჯანული მხარის მოთხოვნით საქართველოში პირველად 2024 წლის 3 აგვისტოს დააკავეს. აზერბაიჯანული მხარე სადიგოვს მუქარასა და გამოძალვაში სდებდა ბრალს და მასზე საერთაშორისო ძებნა ჰქონდა გამოცხადებული. 2024 წლის 4 აგვისტოს სასამართლომ მას სამთვიანი საექსტრადიციო პატიმრობა შეუფარდა, რომელიც მოგვიანებით გახანგრძლივდა. პროტესტის ნიშნად სადიგოვმა საპატიმროში შიმშილობა დაიწყო, მან 160 დღეზე მეტხანს იშიმშილა, რის გამოც მას ჯანმრთელობის პრობლემები შეექმნა.

 2025 წლის 27 თებერვალს ადამიანის უფლებათა ევროპულმა სასამართლომ დროებითი ღონისძიების ფარგლებში საქართველოს დევნილი ჟურნალისტისა და რედაქტორის, აფგან სადიგოვის აზერბაიჯანში ექსტრადიცია აუკრძალა, სანამ მისი საქმე არსებითად არ გადაწყდება სტრასბურგის სასამართლოში. 2025 წლის 16 აპრილს თბილისის საქალაქო სასამართლომ საექსტრადიციო პატიმრობა გირაოთი შეცვალა და ჟურნალისტი დარბაზიდან გათავისუფლდა