„სპექტაკლი არ არის გარყვნილება... სცენაზე გამოჩნდა ის, რისაც გეშინიათ - თავისუფლება, აზრი, კრიტიკა. თქვენ კი გარყვნილებას კი არა, თავისუფლებას ებრძვით. სინათლეს ებრძვით. მე არ მინდა თქვენ გიყუროთ ჩემმა შვილებმა“ - ვიკა ბუკია

ვიკა ბუკია:

მე არ მინდა ჩემმა შვილებმა უყურონ გარყვნილებს. სპექტაკლი არ არის გარყვნილება. გარყვნილებაა, როცა ხალხის ფულს იპარავ, რომელიც პენსიებს, სკოლებს, ავადმყოფებს და გაჭირვებულებს უნდა ხმარდებოდეს, მაგრამ ხმარდება პირადი ქონების დაგროვებას, უსასრულოდ, კიდევ, კიდევ და კიდევ, ხმარდება სიხარბეს, მომხვეჭელობას, მუცლის ამოყორვას. მე არ მინდა ჩემმა შვილებმა უყურონ ასეთ გარყვნილებს.გარყვნილებაა, როცა სამშობლოს ყიდი რუსეთს, რომელმაც მიწა წაგართვა, ხალხი მოგიკლა, გლეხები გამოგიყარა სოფლებდან, ქალები დაასახიჩრა, ანწუხელიძე აწამა და გაყურებინა. გარყვნილებაა სამშობლოს ღალატია. მე არ მინდა ჩემმა შვილებმა უყურონ ასეთ გარყვნილებს.გარყვნილებაა, როცა ქადაგებ „ოჯახურ ღირებულებებს“, მაგრამ თავად ქმნი ცარიელ, ყალბ ოჯახს, სადაც არ არის სიყვარული, ერთგულება, პასუხისმგებლობა. მე არ მინდა ჩემმა შვილებმა უყურონ ასეთ გარყვნილებს.გარყვნილებაა, როცა ღვთისმსახურება ძალაუფლების იარაღად გაქვს ქცეული და თურმე გაწუხებს სპექტაკლი და სამაგიეროფ არ გაწუხებს ნარკოდამოკიდებული ახალგაზრდები, სკოლისაკენ მიმავალი მშიერი ბავშვები, ოჯახში ძალადობა, შადრევანში მოკლულები, ჭაში ჩავარდნილები, ჯართის შემგროვებლები. გარყვნილებაა ვერ ხედავდე მათ. მე არ მინდა ჩემმა შვილებმა უყურონ ასეთ გარყვნილებს.გარყვნილებაა, როცა არ გინდა ხალხმა იფიქროს, იკითხოს, გამბედაობით ილაპარაკოს. გინდა ჩუმად და უსიტყვოდ გიყუროს, როგორ იპარავ, ძალადობ და ღალატობ ყველაფერს, მუცელს იყორავ, გაუმაძღარი ხარ და მომხვეჭელი. მე არ მინდა ჩემმა შვილებმა უყურონ ასეთ გარყვნილებს.გარყვნილება ის კი არ არის, რასაც საჯაროდ გმობთ. გარყვნილება ის არის, რასაც მალულად აკეთებთ. დიახ, ყველაზე დიდი გარყვნილება ფარისევლობაა — როცა სხვას უკრძალავ იმას, რასაც თავად აკეთებ, გიტაცებს და მალავ. მე არ მინდა ჩემმა შვილებმა უყურონ ასეთ გარყვნილებს.სცენაზე გამოჩნდა ის, რისაც გეშინიათ - თავისუფლება, აზრი, კრიტიკა. თქვენ კი გარყვნილებას კი არა, თავისუფლებას ებრძვით. სინათლეს ებრძვით. მე არ მინდა თქვენ გიყუროთ ჩემმა შვილებმა.