"ვრწმუნდები, რომ 100%-იანი იყო ეს კაცი!“ - რას იხსენებს ნიკო მიქაია

ანალიტიკოსი, ნიკო მიქაია სოციალურ ქსელში ერთ ისტორიას იხსენებს.

„წლების წინ ერთი ებრაელი კაცი გავიცანი სამსახურში! დრო გვქონდა და ვილაპარაკეთ ცოტა! მაშინ მან ასეთი სიტყვები მითხრა:

საქართველო, რომ ჩვენი მიწა იყოს, ამაზე მაგარი სახელმწიფო ცოტა იქნებოდა მსოფლიოშიო!

გავბრაზდი მე და შევუღრინე, რატომ ამბობ მაგასთქო?

შენ ახლა ახალგაზრდა ხარ და შეიძლება ცოტა გაბრაზდი, მაგრამ დრო მოვა და მიხვდები, რომ მართალი ვარო! ღმერთმა ყველაფერი მოგცათ, საოცრად მდიდარი მიწა, საოცარი გეოგრაფია და დიდი რესურსები, კულტურა გაქვთ უმაღლესი, ნიჭიერი ხალხი ხართ ძალიან, მაგრამ ვერ ცხოვრობთ მაინც ისე, როგორც უნდა ცხოვრობდეთ! რატომ ხდება ასე შენი აზრითო?

რუსეთი გვყავს გვერდით მტერი, რომელიც არ გვაძლევს განვითარების საშუალებას-მეთქი-ისევ გაბრაზებულმა ვუპასუხე მე.

არა ნიკა! ეგეც თქვენი მთავარი პრობლემაა, რომ ყველაფერს სხვას აბრალებთ და საკუთარ ნაკლს ვერ ხედავთო! თქვენი ყველაზე დიდი პრობლემა და ნაკლი კი ის არის, რომ ერთმანეთი არ გიყვართ და ვერ იტანთო! სულ ცოტა ხნით ახერხებთ გაერთიანებას და მერე მშიერი მგლებივით ჭამთ ერთმანეთსო!

გავბრაზდი მაშინ ძალიან და აღარ გავუგრძელე ლაპარაკი!

ჰოდა აგერ თითქმის 11 წლის მერე ვრწმუნდები, რომ 100%-იანი იყო ეს კაცი! ჩვენ უბრალოდ ერთმანეთი გვძულს და ამიტომაც ვართ იქ, სადც ვართ სამწუხაროდ! ყველამ ვიცით, რომ უკეთესი საქართველო გვინდა და ელემენტერალურად ვერ შევთანხმდით ვერასოდეს იმაზე, რომ კარგი სახელმწიფო ავაშენოთ!

ძალიან მინდა ვცდებოდე, მაგრამ ასეა ნამდვილად!“