მოთხოვნადი ორთოპედიული პროდუქტები სპორტული ტრავმების დროს

სპორტული აქტივობების დროს დიდია ტრავმების წარმოქმნის რისკი. ეს პრობლემა ხშირია ისეთი ადამიანების ცხოვრებაში, რომლებიც ფიზიკური აქტივობებით სისტემატიურად არიან დაკავებულები. ამ დროს ყველაზე მეტად ზიანდება კოჭი, მხარი, მაჯა, იდაყვი და კიდურები. ფართოდ გავრცელებულ ტრავმებს მიეკუთვნება:

● მხრის ტრავმა - ძალიან შემაწუხებელია და ყოველდღიურ საქმიანობაში ხელს გვიშლის, რადგან მხარი სხეულის ერთ-ერთი ყველაზე მოქნილი სახსარია. ამ დროს ადამიანი მწვავე ტკივილს გრძნობს, განსაკუთრებით, მყესების გაწყვეტისა და სასახსრე აბგის დაზიანების შემთხვევაში. ამ დროს შეუძლებელი ხდება ხელის ნორმალურად მოძრაობა და ვითარდება შეშუპება.

● ხელის ამოვარდნა - ხელის ამოვარდნისას ადამიანი მწვავე ტკივილს გრძნობს. განსაკუთრებით, მყესების გაწყვეტისა და სასახსრე აბგის დაზიანების შემთხვევაში. ამ დროს შეუძლებელი ხდება ხელის ნორმალურად მოძრაობა.

● ფეხის გადაბრუნების მიზეზი ხშირად მყესის დაჭიმულობა, კოჭისა და ტერფის დაზიანება და სხვადასხვა ტრავმა შეიძლება იყოს. ის ხშირად სირბილის ან სწრაფი მოძრაობისას სახსრის გადაჭარბებული დატვირთვის გამოც ვითარდება. სირბილისა და ხანგრძლივი სიარულის დროს ქვედა კიდურებზე ზეწოლის განმეორებითმა ზემოქმედებამ შესაძლოა ფეხის  კუნთებისა და მყესების გადატვირთვა და წვივის არეში ტკივილი გამოიწვიოს.

სპორტული ტრავმების დროს ადამიანები იყენებენ ფიქსატორებს. ამ პროდუქტს  ძირითადად ვიყენებთ ტკივილის შემსუბუქებისა და იმობილიზაციის მიზნით. გარდა ამისა, მათი ტარება ძალიან ეფექტურია რეაბილიტაციის პერიოდშიც. განვიხილოთ, რამდენიმე მათგანი:

● იდაყვის ფიქსატორი - გამოიყენება იდაყვის სახსრის ტრავმების სამკურნალოდ და ფიზიკური დატვირთვის დროს დაზიანებისგან თავის ასარიდებლად. მისი გამოყენება ამცირებს ტკივილს, გამოყოფს და ინარჩუნებს სითბოს. ამ პროდუქტის ტარება კომფორტულია მთელი დღის განმავლობაში, მათ შორის ყოველდღიური საქმიანობისას.

● კოჭის ფიქსატორი - უზრუნველყოფს არამარტო სახსრის ფიქსაციას, არამედ სითბოს შენარჩუნებასაც. ეს პროდუქტი აუმჯობესებს სისხლის მიმოქცევას და იდეალურია ღრძობის, დაჭიმვის დროს ან თაბაშირის მოხსნის შემდგომი რეაბილიტაციის პერიოდში. ასევე, დაჭიმულობის შემთხვევაში ფიქსატორის გამოყენება ამცირებს ტკივილს.

● მხრის ფიქსატორი - სახსრის მოძრაობის ნაწილობრივ ან სრულად შეზღუდვას უწყობს ხელს. სწორედ ამიტომ, მას ძირითადად, ხელის მოტეხილობის ან ამოვარდნილობის დროს, ფიზიკური დატვირთვით კუნთებისა და მყესების დაზიანებისას ნიშნავენ. მხრის ფიქსატორით სარგებლობენ ის მომხმარებლებიც, რომლებსაც ართრიტი ან  ართროზი აწუხებთ.