ორთოპედიული პროდუქტები ზურგის ტკივილის დროს

სამედიცინო სფეროს წარმომადგენლები ზურგის ტკივილის ყველაზე გავრცელებულ მიზეზებად მჯდომარე ცხოვრების წესს, ხერხემლის პათოლოგიებს, ფიზიკურ დატვირთვასა და პროფესიულ საქმიანობას მიიჩნევენ. გარდა ამისა, ზურგის ტკივილის გამომწვევი მიზეზი შესაძლოა გახდეს:

● გადაღლილობა;

● დაჭიმულობა;

● დიდხანს ცუდ პოზაში ჯდომა/წოლა;

● სიმძიმეების აწევა;

● ტრავმა ან რომელიმე დაავადება და სხვ.

ჩამოთვლილი პრობლემების დროს პაციენტები მკურნალობის პროცესში სხვადასხვა ორთოპედიულ პროდუქტს იყენებენ. წელის არეში დატვირთვის შემსუბუქების მიზნით და  დისკომფორტის შესამცირებლად ზურგის ქამრებისა და კორსეტების ტარება საკმაოდ ეფექტურია. ეს პროდუქტი ხერხემლის საჭირო ხარისხით ფიქსაციას უზრუნველყოფს და ზურგის კუნთების დაჭიმვის, სპონდილოზისა და იოგების/მყესის დაზიანების მკურნალობის პროცესში ძალიან ეფექტურია.  პაციენტები მას ძვალ-სახსროვანი და კუნთოვანი სისტემის მრავალი დაავადების პროფილაქტიკისა და რეაბილიტაციის მიზნითაც ატარებენ. განვიხილოთ რამდენიმე მათგანი:

● წელის კორსეტი მეტალის ჩანართებით - დამზადებულია ბამბის ელასტიური მასალისგან. 26 ან 32სმ სიმაღლის მეტალის ჩანართები და დამატებითი ღვედები უზრუნველყოფს წელის არის სრულ იმობილიზაციას და ეფექტურ ფიქსაციას. გამოიყენება წელის მალების მოტეხილობის, მალთა-შუა დისკის თიაქრისა და სხვა ტიპის დაზიანებების დროს.

● ხერხემლის კორსეტი - აფიქსირებს მთლიანი ხერხემლის სვეტს. აქვს მეტალის ჩანართები მთლიანი ხერხემლის სიგრძეზე. გამოიყენება მალების  მოტეხილობის, სქოლიოზის, კიფოზისა და ხერხემლის მრავლობითი თიაქრის დროს.

● წელის სტანდარტული ქამარი- ამსუბუქებს წელისა და ზურგის ტკივილს. დამზადებულია ანტი-ალერგიული ქსოვილისაგან და აქვს პლასტმასის ჩანართები. ხშირია მისი გამოყენება რევმატული ტკივილის დროს.

● წელის მატყლის ქამარი - სითბური ეფექტი აქვს და ინარჩუნებს სხეულის ტემპერატურას წელისა და მუცლის არეში. გამოიყენება ასევე რევმატული ტკივილის დროს.

გარდა ამისა, ზურგის ტკივილის დროს რეკომენდებულია ფიზიკური აქტივობა. ხანგრძლივი დასვენება ზურგის არეში ტკივილს აუარესებს, ვარჯიში კი ჭიმავს და აძლიერებს ზურგის კუნთებს. წელის კუნთების გაძლიერების მიზნით აუცილებელია მსუბუქი ვარჯიშები - ცურვა, იოგა, პილატესი და სიარული.