„რა ხდება ხვალ სტრასბურგში და რატომ არის ეს მნიშვნელოვანი საქართველოსთვის“ - გიორგი ბუტიკაშვილი

გიორგი ბუტიკაშვილი სოცქსელში წერს:

რა ხდება ხვალ სტრასბურგში – და რატომ არის ეს მნიშვნელოვანი საქართველოსთვის.ხვალ სტრასბურგში ევროპის საბჭოს საპარლამენტო ასამბლეა (PACE) გამართავს უმნიშვნელოვანეს დებატს საქართველოს საპარლამენტო დელეგაციის ლეგიტიმურობის შესახებ. ეს არ არის ჩვეულებრივი სესია – ეს არის პირდაპირი რეაგირება იმაზე, რომ ქართულმა ოცნებამ უარი თქვა დემოკრატიულ გზაზე და გადაწყვიტა PACE-დან გამოსვლა.გასულ თვეში, PACE-მ მიიღო რეზოლუცია, რომელიც ქართულ ხელისუფლებას ავალებს: ჩაატაროს ახალი, თავისუფალი და სამართლიანი საპარლამენტო არჩევნები, და გაათავისუფლოს პოლიტიკური პატიმრები— ეს ყველაფერი 2025 წლის აპრილამდე უნდა განხორციელებულიყო.ამის საპასუხოდ, ქართული ოცნება არ წავიდა დიალოგზე, არამედ აირჩია ევროპასთან გამიჯვნის გზა და გამოაცხადა, რომ ტოვებს ასამბლეას. ეს არ არის მხოლოდ პოლიტიკური ჟესტი – ეს ნიშნავს, რომ რეჟიმი მზადაა საქართველო დააშოროს ევროპას მხოლოდ იმისთვის, რომ არ გადადგას დემოკრატიული ნაბიჯები. ზუსტად ისე, როგორც ეს რუსეთმა გააკეთა.PACE-ს ახლა აქვს რამდენიმე ვარიანტი:  ის შეიძლება ფორმალურად შეუწყვიტოს მანდატი ქართულ ოცნებას,  ან დაადგინოს, რომ მათი მანდატი აღარ არის ძალაში მათი მხრიდან დელეგაციის გამოწვევის გამო,ყველა შემთხვევაში, ხვალინდელი დისკუსია იქნება კრიტკული და იმის საპირწონე რა რეპრესიებიც დაიწყო ქართულმა ოცნებამ.მთავარი გზავნილი მარტივია:ქართველ ხალხს ევროპაზე უარი არ უთქვამს. უარი თქვა ქართულმა ოცნებამ. PACE-მ უნდა დაუჭიროს მხარი ხალხს – და არა რეჟიმს, რომელიც დევნის ოპოზიციას, აპატიმრებს აქტივისტებს და იღებს პუტინის მსგავს კანონებს. აქვე გვახსოვდეს, ხვალინდელი რეზოლუცია კიდევ ერთი ნაბიჯი იქნება ვიზების შეჩერების პროცესის დასაწყებად, ავტორიტატულ რეჟიმებს, რომელებიც უარს ამბობენ ევროსაბჭოს ღირებულებზე, თავისუფალი მიმოსვლა არ აქვთ ევროკავშირში.