ვიდეო - რას ჰყვება სტუდენტი, რომელიც ტაშის დაკვრის გამო დააკავეს

პირველი ინტერვიუ სტუდენტთან, რომელიც ტაშის დაკვრის გამო დააკავეს - ლუკა გოგია "ტვ პირველის" პირდაპირ ეთერში ამბობს, მისი ტაში იყო მისი გულწრფელი რეაქცია იმ მოვლენებზე, რაც მის თვალწინ რუსთაველის გამზირზე განვითარდა.

"ტაშის დაკვრამ გააღიზიანა ისინი, რადგან დღევანდელი პოლიცია თვითონაც ხვდება, რომ ტაშს არ იმსახურებს" - ამბობს სტუდენტი და ქრონოლოგიურად აღწერს თუ როგორ დააპატიმრეს პოლიციელებმა ჯერ სკამები, შემდეგ კი ორი სეუს სტუდენტი გოგონა და შემდეგ ის.

გოგიას თქმით, იზოლატორში მასზე ზეწოლას ადგილი არ ჰქონია - ის ახლა სასამართლოს ელოდება, რომელიც 17 აპრილს ჩაუნიშნეს.

ჩემი პროტესტი გავრილოვის ღამიდან იწყება და დღემდე გრძელდება.

სეუ-ს სტუდენტებს ტერიტორიაზე სურდათ პატარა შავი სკამების მოტანა. მოხალისე ადამიანმა გადმოგვა ეს სკამი. რატომრაც დღეს კრიმინალიზებული გახდა ეს ნივთი, არც გვიფიქრია ამ სკამის დაფარვა და შეპარება, შესაბამისად პოლიცია სადაც არის პარლამენტთან განლაგებული იქ ჩამოვიარეთ, თავდაპირველად არაფერი უთქვამთ, მერე რამდენიმე ეკიპაჟი აგვყოლია და გვითხრეს, უნდა გადავამოწმოთ ეს ნივთი კანონსაწინააღმდეგო არის თუ არაო. მათ არ ჰქონდათ ინფორმაცია, არ იცოდნენ სკამი რამდენად კანონსაწინააღმდეგოა, შესაბამისად ელოდნენ რაციაში ვიღაც მესამე პირისგან მითითებას.

ტაშის დაკვრამ გააღიზიანა ისინი, რადგან დღევანდელი პოლიცია თვითონაც ხვდება, რომ ტაშს არ იმსახურებს, ტაშიც სწორედ ამ წარმოდგენის ნაწილი იყო, რაც მათ გამართეს 20 წლის სტუდენტების დაკავებით, ასევე ხანშიშესული ადამიანის ნერვიულობთ, მისი ხელის კვირთ და გაგდებით. ეს იყო ჩემი გულწრფელი რეაქცია იმ მოვლენებზე რაც ჩემს თვალწინ განვითარდა

დაკავების შემდეგ არანაირი ზეწოლა არ ყოფილა, მე დღეს გამომიშვეს და 17 აპრილს მაქვს პროცესი ჩანიშნული". - ამბობს ლუკა გოგია. 
შეგახსენებთ, 21 მარტს, შინაგან საქმეთა სამინისტროს თანამშრომლებმა რუსთაველის გამზირზე დაკავებების სერია განაახლეს - პოლიციამ ხელბორკილები სამ ახალგაზრდას, მათ შორის, საქართველოს ეროვნული უნივერსიტეტის სტუდენტებს დაადო.

რუსთაველის გამზირზე დაპატიმრებულთა შორის იყვნენ თაკო გვილია და თათია აფრიამაშვილი. მათთან ერთად ასევე დააკავეს აქციის კიდევ ერთი მონაწილე, ილიას სახელმწიფო უნივერსიტეტის სტუდენტი, ლუკა გოგია, რომელმაც გოგონების დაკავების შემდეგ პოლიციას ტაში დაუკრა.

პარლამენტთან დაკავებების სერია მას შემდეგ დაიწყო, რაც ძლიერ წვიმაში მყოფი ახალგაზრდებისთვის

ცნობისთვის, რუსთაველის გამზირზე საქართველოს ეროვნული უნივერსიტეტის დაპატიმრებული სტუდენტები, თათია აფრიამაშვილი და თაკო გვილია 21 მარტსვე, ხელწერილის საფუძველზე გაათავისუფლეს.