„ოპოზიციის ნაწილიც რომ ნაბოზარია, ეგეც თქვენი ბრალია, თუმცა აქ მიზეზი სხვაა - ტაშით არ უნდა გააგიჟო ბოგანო“ - გოჩა მირცხულავა

ანალიტიკოსი გოჩა მირცხულავა:

"პეპელას ეფექტი", ედვარდ ლორენცმა აღმოაჩინა - 1961 წელს. არსი იმაში მდგომარეობს, რომ ბრაზილიაში პეპელას ფრთების მოძრაობამ შესაძლოა, ტეხასში ტორნადო გამოიწვიოს. უფრო ქართულად რომ ვთქვა: გლდანში, საჭესთან სმს-ის წერამ შესაძლოა, სანაპიროზე საცობი, ხოლო ლილოში ავარია გამოიწვიოს. მესმის, რომ ამ აზრს განსაკუთრებით მძღოლები და "ღრმად მორწმუნენი" არ დაიჯერებენ, მაგრამ ასეა. "პეპელას ეფექტი" ფსიქოლოგებისთვისაც კარგად არის ცნობილი და რადგან მათთან სიარული ახლა მოდაა - ვისაც არ გჯერათ, პირად ფსიქოლოგსაც ჰკითხეთ.მაგრამ ახლა სხვა ჭრილში - 26 ოქტომბერს ვინც არჩევნებზე არ იყავით და/ან საარჩევნო უბნებზე თვალი დახუჭეთ, დღეს კი შფოთავთ, ღელავთ, აპროტესტებთ, უკმაყოფილო ხართ, ხედავთ რომ ხვალ შესაძლოა, სახელმწიფოსაც და თქვენც, უფრო მძიმე ხვედრი გერგოთ, ნერვიულობთ აქციებზე დაზარალებული ან/და დაპატიმრებული ახლობლების გამო - ზუსტად უნდა იცოდეთ, ეს თქვენ გააკეთეთ და აკეთებთ დღემდე. გიორგი ექიმმა დედას რომ ვერ მოუარა და ციხეში მყოფს გარდაეცვალა, ეგეც თქვენი ბრალია. ანდრო, ზვიადი, მზია .... და ბევრის, მშობლები, შვილები რომ ტირიან - ეგეც თქენი ბრალია.ისე, ოპოზიციის ნაწილიც რომ ნაბოზარია, ეგეც - თუმცა აქ მიზეზი სხვაა - მაგრამ ისევ "პეპელას ეფექტია" - ტაშით არ უნდა გააგიჟო ბოგანო. ტაში რატომ დაუკარი ეგ კიდევ ცალკე თემად.და კიდევ - "გვეშველება რამე?" ამ კითხვას რომ უტრიალებ და არაფერს აკეთებ - ეგეც შენი ბრალია.თქვენ რას ფიქრობთ - რძეში ჩავარდნილი ორი ბაყაყის ამბავი იგავია? არა, ფილოსოფიაა ადამიანის პიროვნულ არჩევანზე. ერთმა სიკვდილი არჩია და მოკვდა. მეორე არ დანებდა, წინასწარ კი არ იცოდა, რომ მისი ფეხების ქნევა რძეს ერბოდ აქცევდა, მაგრამ პიროვნული არჩევანი იყო მისი, ებრძოლა. ჰო და... თქვენც გაქვთ პიროვნული არჩევანი - წეროთ სმს საჭესთან A პუნქტში და სამსახურში დააგვიანოთ, შემდეგ ეს სამსახური დააკარგვინოთ B პუნქტში მოძრავს, ხოლო C პუნქტში მოძრავი ავარიაში მოაყოლოთ და საწოლს მიაჯაჭვოთ.ესაა ცხოვრება... შენი პიროვნული არჩევანი და არა სხვისი. ამიტომ, სხვისკენ ხელს ნუ გაიშვერთ, როდესაც რაღაც არ მოგწონთ ან გტკივათ...