დღე, თბილისში, 20:00 საათზე "MEGOBARI აქტის" მხარდამჭერი მარში გაიმართება

დიდი პროტესტის დღე თბილისში - დღეს, 20:00 საათზე, "მეგობარი აქტის" განხილვამდე 5 დღით ადრე, ევროპული მომავლის მცველები ისევ ქუჩაში გამოდიან. შეკრების ადგილი მარჯანიშვილის მოედანი იქნება. დაგეგმილია მსვლელობა სანაპიროდან რუსთაველის გავლით. საბოლოო ლოკაცია კი საკანონმდებლო ორგანო იქნება. თბილისის ქუჩები საქართველოს და ამერიკის დროშებით გადაივსება.

დღეს, ქართველი ხალხი კიდევ ერთხელ გააგონებს სტრატეგიულ პარტნიორებს ხმა, რომ ბრძოლა ქვეყნის ევროპული მომავლისთვის არ შეწყდება.

მოქალაქეებს სურთ, ვაშინგტონში მომუშავე პოლიტიკოსებს დაანახონ, რამდენად მნიშვნელოვანია მათთვის ამერიკის მხარდაჭერა და ივანიშვილის და მისი პარტიის ლიდერების სანქცირება.

ჩვენ ამერიკელი კონგრესმენები და სენატორები ძალიან გვიჭერენ მხარს. შედგება ეს megobari აქტი და მის ხელმძღვანელს, მე ძალიან კარგად ვიცნობ ჯიმ რიშს, რომელიც არის დიდებული ადამიანი და რომელიც შეყვარებულია საქართველოზე და უნდა, რომ აქ იყოს დემოკრატია. ჩვენ აქ უნდა ვაგრძნობინოთ მათ, რომ ჩვენ მადლობლები ვართ", - ამბობს პაატა ბურჭულაძე.
ქუჩებში გამოსვლისკენ მოქალაქეებს "სტრატეგია აღმაშენებლის" ლიდერი, გიორგი ვაშაძეც მოუწოდებს. ოპოზიციონერი პოლიტიკოსის თქმით, დღეს ქართველებმა ამერიკელ კანონმდებლებს უნდა აჩვენონ, რომ სენატში დარეგისტრირებული "MEGOBARI ACT"-ის მიღებას ემხრობიან.

მსოფლიოში არის ბევრი პრობლემა, უკრაინა, ახლო აღმოსავლეთი, სერბეთი და ჩვენს ხელშია, რომ ყურადღება მოაქციონ საქართველოს და ვიყოთ განრიგის სათავეში. ამ აქციას აქვს ეს მნიშვნელობა, რომ ჩვენ ვიყოთ განრიგის სათავეში და რომ მეტი მოტივაცია ჰქონდა ჩვენს მხარდამჭერებს და ჩვენი მხარდაჭერა ჰქონდეთ მათ, რომ გაიტანონ "megobari აქტი", რომ აქტიურად დაგვიჭირონ მხარი", - ამბობს გიორგი ვაშაძე.შეგახსენებთ, 27 მარტს ამერიკის სენატი "მეგობარ აქტს" განიხილავს. კანონპროექტს მხარს 8 რესპუბლიკელი და 10 დემოკრატი კონგრესმენი უჭერს. "მეგობარი აქტის" წარმდგენი ჯო უილსონი ამბობს, რომ დოკუმენტის მიღებით ამერიკას ქართველი ხალხისთვის თავისუფალი და სამართლიანი არჩევნები სურს.