ვიდეო: მღვდლის ნაკურთხი სამშენებლო ბიზნესი და, თაღლითობაში მხილებული სასულიერო პირი

მღვდელი მეტეხის ტაძრიდან, თაღლითობაშია მხილებული. ირკვევა, რომ სასულიერო პირს სამშენებლო ბიზნესი აქვს. მამა გიორგი ტატურაშვილი, სამშენებლო კომპანია "სხივის" 100 % იანი წლის მფლობელია. მისი აშენებულია კორპუსი შინაგან საქმეთა სამინისტროსთან. სკანდალშიც სწორედ ამ ობიექტის გამო გაეხვა, მიწის მფლობელი, ვისთვისაც ბიზნესმენ მღვდელს ტერიტორიის სანაცვლოდ ბინები უნდა მიეცა, ამტკიცებს, რომ სასულიერო პირმა გადააგდო.

ბიზნესმენი მღვდელი კალაუბნის ქუჩაზე მიწის მფლობელს შეუთანხმდა, რომ მის კუთვნილ ტერიტორიაზე კორპუსს ააშენებდა. 31 მეტრის სიმაღლის და 9232 კვადრატული მეტრი ფართის  კორპუსის აშენების ნებართვა, მერიამ სასულიერო პირს პირველივე ცდაზე 2019 წელს მისცა. მღვდელი მიწის მფლობელს დაპირდა, რომ ბინების 20% კომერიციული ფართის 50%-თ და პარკინგის 20% მას მისცემდა. 19 ბინა რეესტრით ნამდვილად გადაუფორმა, თუმცა შემდეგ დავა დაიწყო.

ბიზნესმენი ამტკიცებს, რომ კალაუბნის 40 ნომერში მდებარე ნომერ 64-ე  ბინის გაყიდვის დამალული ამბავი შემთხვევით გაიგო. საკუთარ სახლში მისულს, კარი შეცვლილი დახვდა, ტიხრები ამოყვანილი და ბინაში ხელოსნებს უკვე კომუნიკაციები შეჰყავდათ. ანუ მისი ბინა სხვაზე გადაყიდეს. მიწის მფლობელის მტკიცებით, მამაო არ უმხელდა რომ სახლი, რომელიც მას გადაუფორმა შემდეგ სხვაზე გადაყიდა, უმტკიცებდა, რომ მუშებს ბინა შეეშალათ და სხვისი ფართის რემონტი დაიწყეს.

ირკვევა, რომ მას შემდეგ რაც  გაყიდული ბინის დაბრუნება მესაკუთრემ მოითხოვა, მშენებელ მამაოს გაახსენდა რომ  გაშლა არასწორად იყო გაკეთებული და  2 წლის შემდეგ მიხვდა რომ ლურსმანაშვილს უფრო მეტი კვადრატული მისცა ვიდრე ეკუთვნოდა.

საჯარო რეესტრის მონაცემებით, მეტეხის ტაძრის მღვდელი სამი კომპანიის მფლობელია. სამშენებლო "სხივის"  გარდა მას ეკუთვნის, "ფორესტ ტერასა" და "ჰეფესტო პლუსი". 

მღვდლის ცოლი სახელზეა გაფორმებული კიდევ ერთ სამშენებლო ბიზნესი. ეს კომპანია "პარნტნიორები და თაურია". შორენა ცოფურაშვილს მანამდე ბიზნესი არასდროს ჰქონია. მისი კომპანია 2022 წლის 6 ივნისს მას შემდეგ დაფუნძდა, რაც მამაოს ყოფილ პარტნიორებთან პრობლემები შეექმნა და დავა სასამართლომდე მივიდა.

ირკვევა ისიც, რომ მღვდელს სამართალდამცავებთან პრობლემები მანამდეც ჰქონდა "შაბათის ეთერის" ინფორმაციით, სასულიერი პირის მიმართ სასამართლომ სისხლის სამართლის საქმეზე გამამტყუნებელი განაჩენი გამოიტანა და ციხის ნაცვლად პირობითი სასჯელი შეუდარდა დღემდე პრობაციონერია.