16 თებერვლის ასტროლოგიური პროგნოზი

ეს საინტერესოა 15 თებერვალი 19:37

ასტროპროგნოზი

ვერძი

შესაძლოა, ვიღაცის გამო გეგმების შეცვლა და ალტერნატიული ვარიანტების ძებნა მოგიწიოთ. რაც არ უნდა მოხდეს, ეცადეთ სიმშვიდე შეინარჩუნოთ და წვრილმანებზე არ გაღიზიანდეთ - ზედმეტი ემოციები ახლა მხოლოდ სიტუაციას გაართულებს. პრობლემების მოგვარებას სამომავლოდ ნუ გადადებთ. წინააღმდეგ შემთხვევაში ყველაფერი უფრო გართულდება. საღამოს თუ განმარტოება და სიმშვიდეში ყოფნა მოგინდათ, ტელეფონი გამორთეთ და საკუთარ თავს მცირე პაუზის საშუალება მიეცით.

რჩევა: ემოციების კონტროლი თქვენი მთავარი ამოცანაა. რაც უფრო მშვიდად იქნებით, მით უფრო ადვილი იქნება ყველა სირთულესთან გამკლავება.

კურო

კვირა დღე შეიძლება მცირე გაუგებრობით დაიწყოს, რომელიც განწყობას გაგიფუჭებთ. უმჯობესია კონფლიქტებს მოერიდოთ და არ ეცადოთ იმ ადამიანების დარწმუნებას, რომლებსაც თქვენი აზრი არ აინტერესებთ.

რჩევა: ნუ ეცდებით, თქვენ ირგვლივ ყველა და ყველაფერი აკონტროლოთ. ზოგჯერ უბრალოდ სიტუაციას უნდა შეეგუოთ და საშუალება მისცეთ, ისე განვითარდეს, როგორც სამყაროს სურს.

ტყუპები

დაუგეგმავი მოვლენები ამ დღეს გეგმების შეცვლას გაიძულებთ. დღის პირველ ნახევარში ახლობლებთან ურთიერთობაში მცირე გაუგებრობა გელით. ეცადეთ, მომთმენი იყოთ და სხვა ადამიანების სიტყვები ზედმეტად სერიოზულად არ მიიღოთ. დღის მეორე ნახევარი უფრო მშვიდი იქნება, მაგრამ მაინც ჯობია, აურზაურს მოერიდოთ.

რჩევა: თუ ვითარება უკონტროლო გახდა, პანიკაში ნუ ჩავარდებით. ეს დღე ფიქრისთვის გამოიყენეთ და არა აქტიური მოქმედებებისთვის.

კირჩხიბი

ეს დღე მოულოდნელობებს გპირდებათ, რომლებსაც დამოუკიდებლად უნდა გაუმკლავდეთ. შესაძლოა, რომელიმე მეგობარმა ან ნათესავმა დახმარება გთხოვოთ და უარის თქმა გაგიჭირდებათ. ეცადეთ, სხვისი პრობლემებით ზედმეტად არ დაიტვირთოთ, რადგან საკუთარიც გყოფნით. მნიშვნელოვანია ემოციური წონასწორობა შეინარჩუნოთ და შინაგან შფოთვას არ აჰყვეთ.

რჩევა: სხვების დახმარება მნიშვნელოვანია, მაგრამ არა საკუთარი კომფორტისა და შინაგანი სიმშვიდის ხარჯზე.

ლომი

ეცადეთ ემოციებთან გამკლავება ისწავლოთ, განსაკუთრებით მაშინ, როდესაც გარშემომყოფები გაღიზიანებენ. მნიშვნელოვანია, პროვოკაციებს არ აჰყვეთ და აგრესიულად არ უპასუხოთ. სიმშვიდე დაგეხმარებათ, რომ ნებისმიერი სიტუაციიდან გამარჯვებული გამოხვიდეთ.

რჩევა: აკონტროლეთ თქვენი ემოციები - ეს აუცილებელია, რათა კონფლიქტები თავიდან აიცილოთ და კარგი განწყობა შეინარჩუნოთ.

ქალწული

კვირა შეიძლება იმაზე უფრო სტრესული აღმოჩნდეს, ვიდრე ელოდით. სავარაუდოდ, რამდენიმე საკითხი დაუყოვნებლივ გადაჭრას მოითხოვს და სწრაფად მოქმედება მოგიწევთ. მნიშვნელოვანია სიმშვიდე შეინარჩუნოთ და ძალა უსარგებლო საქმეებზე არ დახარჯოთ. ოჯახთან, საყვარელ ადამიანთან ან მეგობრებთან ურთიერთობა ძალების აღდგენაში დაგეხმარებათ.

რჩევა: ნუ ეცდებით ყველაფერი აკონტროლოთ, ზოგჯერ ჯობია, უბრალოდ, დინებას მიჰყვეთ.

სასწორები

ამ დღეს შეიძლება უცნაური განცდა მოგიტანოთ – თითქოს რაღაც მნიშვნელოვანი უნდა მოხდეს, მაგრამ არ იცით, რა. სავარაუდოდ, ინტუიცია გიკარნახებთ, რას უნდა მიაქციოთ ყურადღება. მოულოდნელი შემთხვევა გაიძულებთ, თქვენი ცხოვრების ზოგიერთ მხარეს გადახედოთ. ამ დღეს მნიშვნელოვანია, დასკვნების გამოტანა არ იჩქაროთ. მიეცით საკუთარ თავს ინფორმაციის გაანალიზების დრო. დღის პირველ ნახევარში საყვარელ ადამიანებთან მცირე უთანხმოება გელით. ნუ შეგეშინდებათ საკუთარ გრძნობებზე საუბრის, მაგრამ ეს უხეშობის და ბრალდებების გარეშე გააკეთეთ.

რჩევა: ენდეთ თქვენს შინაგან ხმას – ზოგჯერ მან იმაზე მეტი იცის, ვიდრე გგონიათ.

მორიელი

ეცადეთ, გარშემო მყოფი ადამიანების განწყობა გაითვალისწინოთ, რათა თქვენი ერთობლივი საქმიანობა ნაყოფიერი იყოს. ახალი ნაცნობები თქვენს მომხიბვლელობას და მეგობრულ დამოკიდებულებას დააფასებენ, ამიტომ მოწვევაზე უარს ნუ იტყვით და თქვენთვის საჭირო კავშირები დაამყარეთ. აჩქარება, პრობლემების გარდა, არაფერს მოგიტანთ, ამიტომ მშვიდად და თანმიმდევრულად იმოქმედეთ.

რჩევა: ეცადეთ, ახალ გარემოებებს შეეგუოთ. რაც უფრო მშვიდი იქნებით, ეს დღე მით უფრო ადვილად ჩაივლის.

მშვილდოსანი

უსიამოვნო საუბარი ან ურთიერთობის გარკვევა გელით, რომელიც დიდი ხნის განმავლობაში მზადდებოდა. ნუ ეცდებით მწვავე კითხვების აცილებას – რაც უფრო ადრე განიხილავთ ყველაფერს, მით უკეთესია. დღის მეორე ნახევარში მეგობრებთან შეხვედრა და გარემოს შეცვლა სტრესისგან გათავისუფლებაში დაგეხმარებათ. სჯობს, ახალი ინიციატივები სამომავლოდ გადადოთ.

რჩევა: გულწრფელი საუბარი საუკეთესო საშუალებაა გაუგებრობის თავიდან ასაცილებლად. თუ არ იტყვით, რა გაწუხებთ, სხვები ამას ვერ მიხვდებიან.

თხის რქა

ამ დღეს შინაგანი ბალანსი თქვენთვის განსაკუთრებით მნიშვნელოვანია. ჰორიზონტზე ისევ წარსულის შეცდომები მოჩანს. შეიძლება წარსულში მომხდარი წარუმატებელი სცენარის გამეორებით განწყობა გაიფუჭოთ. სავარაუდოდ, გეგმების შეცვლა და ახალ გარემოებებში მოქმედება მოგიწევთ, ამიტომ არაფრის დაგეგმვა არ არის საჭირო.

რჩევა: სრულყოფილებისკენ ნუ მიისწრაფვით და ნუ ცდილობთ ყველაფერი მოასწროთ. გახსოვდეთ, რომ ზოგჯერ უკან გადადგმული ნაბიჯი წინსვლის საუკეთესო გზაა.

მერწყული

ამ დღეს შეიძლება ისეთ საკითხში დაეჭვდეთ, რაშიც ადრე დარწმუნებული იყავით. თუ მნიშვნელოვანი არჩევანის გაკეთებას გეგმავთ, მოსაფიქრებლად დრო ითხოვეთ, რადგან აჩქარებამ შეიძლება საბედისწერო შეცდომა დაგაშვებინოთ.

რჩევა: მიეცით საკუთარ თავს მოფიქრების დრო. მშვიდ გარემოში გადაწყვეტილების მიღება უფრო მეტ სარგებელს მოგიტანთ, ვიდრე ნაჩქარევი ქმედებები.

თევზები

შეიძლება დიდი ხნის წინ თაროზე შემოდებული საქმეების ჩამოღება და დასრულება მოგიწიოთ. ამ დღეს მოთმინებისა და ორგანიზებულობის გამოვლენა გმართებთ. ვარსკვლავები გაფრთხილებენ, რომ მთელი ყურადღება მიმდინარე საქმეებზე გაამახვილოთ, რათა მნიშვნელოვანი მომენტები არ გამოტოვოთ.

მასალის გამოყენების პირობები
სხვა სიახლეები
სენატი
"ოცნება" იზოლაციაში რჩება და ამის მთავარი სიმპტომი "MEGOBARI აქტია"

ევროპულ-ქართული ინსტიტუტის დამფუძნებელი, მკვლევარი გიორგი მელაშვილი ამბობს, რომ აშშ-ს მიერ ინიცირებული მეგობარი აქტი "ოცნებისთვის" უარღესად მკაცრი იქნება. მისი თქმით, 21 იანვრის შემდეგ ივანიშვილის ხელ...

პოლიტიკა 12:05

ძებნილი
ყოფილ სპეცრაზმელს პოლიცია ქვეყნის მასშტაბით ეძებს - რას ამბობს უძილაურის დედა

მკვლელობა ვაკეში - ყოფილი სპეცრაზმელის ოჯახში ადასტურებენ, რომ პოლიციამ საგამოძიებო მოქმედებები ჩაატარა. "პირველებს" უძილაურის დედა ეუბნება, რომ შინაგან საქმეთა სამინისტრომ ყვარლის სახლიდან ჩიპები და...

კრიმინალი 12:03

ოთარ ფარცხალაძე
სანქცირებული ფარცხალაძე სახელმწიფო ინტერესების წინააღმდეგ მოქმედებს - ოპოზიცია

სანქცირებული ოთარ ფარცხალაძის მოსკოვში გააქტიურება პროდასავლურ ოპოზიციას არ უკვირს. შაბათის ეთერის ხმაურიანი რეპორტაჟის შემდეგ "ოცნების" ოპონენტები პირდაპირ ამბობენ, რომ საქართველოს ყოფილი გენპროკურორ...

პოლიტიკა 12:01

სერბეთი
აქციის შემდეგ, რა დროსაც 56 ადამიანი დაშავდა, ვუჩიჩმა სერბეთის პოლიცია "მშვიდობის შენარჩუნებისთვის" შეაქო

სერბეთის დედაქალაქ ბელგრადში შაბათს, 15 მარტს, ყველაზე მასშტაბური აქცია გაიმართა. მოსახლეობა მთავრობის გადადგომას ითხოვს. აქციის დროს, 56 ადამიანი დაშავდა, დაკავებულია 22 პირი. აქციის ფონზე პრეზიდენტმ...

მსოფლიო 11:59

მოკლული
თბილისში 21 წლის ბიჭი საკუთარ დაბადების დღეზე მოკლეს

თბილისში გამთენიისას 21 წლის მამაკაცი მოკლეს. ახალგაზდას ცივი იარაღით გაუსწორდნენ. მამაკაცს, სულ მცირე, ხუთჯერ ჩაარტყეს დანა, აქედან ერთი გულში. სიტყვიერი დაპირისპირება ბარში დაიწყო და ქუჩაში გაგრძელდ...

კრიმინალი 11:57

დაკავება
იმერეთში, ნარკოდანაშაულის ბრალდებით 2 პირი დააკავეს

შინაგან საქმეთა სამინისტროს ინფორმაციით, ნარკოდანაშაულის ბრალდებით 2 პირი, წარსულში ნასამართლევი: 2002 წელს დაბადებული ი.ა. და 2002 წელს დაბადებული მ.კ. დააკავეს. გამოძიება სისხლის სამართლის კოდექსის...

კრიმინალი 11:54