„გაიხადეთ ეგ დაწყევლილი, სისხლიანი ფორმები და ნუ ასრულებთ უკანონო ბრძანებას“ - ლევან ხაბეიშვილი პოლიციელებს მიმართავს 

ლევან ხაბეიშვილი პოლიციელებს მიმართვს:

“მილიციელო" თქვენს გაუმჯობესებაზე, პროგრესზე, განვითარებაზე იფიქრეს ამ 12 წელში?! ტრენინგით, სწავლით, კანონით, ადამიანის უფლებებით როდის "შეგაწუხეს"?!როდის მოგთხოვეს ცოდნა?!ანაზღაურება, პირობების შექმნა, დაწინაურების სამართლიანი სისტემა - 12 წელში რატომ არ იყო პრიორიტეტი?!თქვენი აზრით, რატომ გაჩლუნგებენ?!  მიგაბეს ბანკის ვალებზე, სამათხოვრო გაგიხადეს 100 ლარი პრემია, დორბლს გადენენ მინიმალურ ხელფასის ზრდაზე და რეალურად მსყიდველუნარიანობა იკლებს   რატომ გამცირებენ?! რატომ დაგასვეს თავზე “ნასედკები” და “ტიტუშკები”?! რატომ შეგაძულეს მუნდირის ტარება?! რატომ გადაგღალეს მორიგეობებით, რატომ გაიძულებენ 1 ლარიანი, ცხიმიანი ფენოვანი ხაჭაპურის ჭამას, უაქციზო სიგარეტის მოწევას, რატომ დაგაბეჩავეს და დაგაჩმორეს?! რატომ დაგაპირისპირეს ხალხთან?! რატომ გაცემინებენ, გამახინჯებინებენ ახალგაზრდებს?!დაგისვამთ ეს კითხვები საკუთარი თავისთვის? არა?! ცხადია არა!რატომ? იმიტომ, რომ ყველაფერი გააკეთეს რომ აზროვნება, ანალიზის უნარი არ გქონდეთ და მხოლოდ მათი მილიონები დაიცვათ   “შეფებს" რამდენი მილიონი, ქონება აქვთ ხომ გისაუბრიათ ერთმანეთში?! ჰოდა, მაინც ხომ მორჩილად ასრულებთ მათ ბრძანებას?!თავად ხომ გრიალებენ პრადოებით?! მათი ოჯახები ხომ "გულაობენ" ევროპაში?! ხომ აიშენეს სასახლეები?!და თქვენ, ისევ დუჟმორეული, ამათ ქონებას და ერთ ადგილს იცავთ!მიზანმიმართულად გაგაუბედურეს, ნამუსი აგყარეს და რუსული პროპაგანდის ენით მოფიქრალები და "მოაზროვნეები" გახდით!  შსს-ს მინისტრი უკვე აღიარებული კრიმინალია, მწამებელი მერე არ თქვათ, რომ "შეფის" ბრძანებას ასრულებდით! რუსი მწამებლის, არაქართველი და კრიმინალის დავალებას ასრულებთ და ღალატობთ ფიცს, რომ ემსახურებით საქართველოს   გაიხადეთ ეგ დაწყევლილი, სისხლიანი ფორმები და ნუ ასრულებთ უკანონო ბრძანებას  ეგ ფორმა უკვე ივანიშვილის და გომელაურის უნიფორმაა და არა პოლიციის!სასაცილოდ და სავალალოდ გამოიყურებით.