გიორგი ჩიკვაიძე ციხეში გადაჰყავთ - ფინანსური პოლიცია ბიზნესმენის და მისი ბიზნესპარტნიორის სახლში შევიდა

გიორგი ჩიკვაძე ციხეში გადაჰყავთ, მის სახლში კი "პირველების" ინფორმაციით, ფინანსური პოლიცია ჩხრეკაზე შევიდა. რას ეძებენ სამართდამცველები რეჟიმის მამხილებელი ბიზნესმენის სახლში უცნობია.

ახლა გიორგი სახლში, საგურამოში, არის მისული ალბათ ნახევარი სამმართველო ჩხრეკაზე, რაც კი არსებობს საქართველოში.  იქ არის დედაჩემი, არ უშვებს ადვოკატის გარეშე, მივა ადვოკატი და ამის შემდეგ მჯსიცემს შევლსი უფელბას", - ამბობს ჩიკვაიძის ძმა. 
პარალელურად, საგამოძიებო მოქმედებები მიმდინარეობს მისი ბიზნესპარტნიორის, ირაკლი პაპიაშვილის სახლშიც, მანამდე კი პაპიაშვილს ჩხრეკა ფინანსთა სამინისტროს თანამშრომლებმა სხდომათა დარბაზის დატოვებისთანავე დაუპირეს, რის შემდეგაც ბიზნესმენმა მედიის თანდასწრებით, თავად ჩაიტარა თვითჩხრეკა და ჟურნალისტებს უჩვენა, თუ რა ჰქონდა თან.

შეგახსენებთ, რომ გიორგი ჩიკვაძე სასამართლო დარბაზში დააკავეს - გადაწყვეტილება მოსამართლემ იზა კელენჯერიძემ გამოაცხადა.

რაც შეეხება ჩიკვაიძის ბიზნესპარტნიორს, მოსამართლემ ირაკლი პაპიაშვილის გირაოს პატიმრობით შეცვლის შუამდგომლობა არ დააკმაყოფილა.

ამასთან, დღეს გაირკვა, რომ ბიზნესმენ ჩიკვაიძის წინააღმდეგ ფინანსთა სამინისტროს საგამოძიებო სამსახურმა გამოძიება დაიწყო - როგორც პროკურატურა ამტკიცებს, ჩიკვაიძე 7-8 მარტს საქართველოს საზღვართან ახლოს იმყოფებოდა.

ცნობისთვის, პროკურატურამ გიორგი ჩიკვაიძეს და და ირაკლი პაპიაშვილს ბრალდება საქართველოს სისხლის სამართლის კოდექსის 182, II – „ა, ,,დ’’, III -“ბ” მუხლით აქვთ წარდგენილი, რაც წინასწარი შეთანხმებით ჯგუფის მიერ სამსახურეობრივი მდგომარეობის გამოყენებით, დიდი ოდენობით თანხის მართლსაწინააღმდეგო მითვისებას გულისხმობს. აღნიშნული ბრალდება 7-დან 11- წლამდე თავისუფლების აღკვეთას ითვალისწინებს.მათ აღკვეთის ღონისძიების სახით 50 000-50 000 ლარის ოდენობით გირაო აქვთ შეფარდებული, ასევე საზღვრის კვეთის აკრძალვა აქვთ.