რისთვის არის საჭირო მაგნიტოთერაპია

მაგნიტოთერაპია, მედიცინაში ფართოდ გავრცელებული მკურნალობის მეთოდია, რომელიც მოიცავს მაგნიტური ველის გამოყენებას სხვადასხვა მდგომარეობის სამკურნალოდ. 

მაგნიტოთერაპია  წარმატებით გამოიყენება არა მხოლოდ რეაბილიტაციაში, არამედ მედიცინის სხვა დარგებშიც: ტრავმატოლოგია,ორთოპედია, ანგიოლოგია, უროლოგია, ნევროლოგია, სპორტული მედიცინა, ესთეტიკური მედიცინა და სხვა.

ადამიანის ორგანიზმზე ცვლადი მაგნიტური ველის ზემოქმედების შედეგად აღინიშნება  კუნთის რელაქსაციის , ტკივილიგამაყუჩებელი,

სპაზმოლიზური და ანთების საწინააღმდეგო მოქმედება. აქვე  უნდა აღინიშნოს მაგნიტოთერაპიის როლი ოსტეოგენეზის პროცესში, რაც გულისხმობს იმას, რომ მისი საშუალებით სწრაფად ხდება ძვლოვანი ქსოვილის აღდგენა.

პათოლოგიები, რომლის დროსაც შესაძლებელია მაგნიტოთერაპიის ეფექტური გამოყენება არის: 

ძვალ-კუნთოვანი სისტემის დაზიანებები: მოტეხილობა, შეშუპება , დისკოპათია, მაჯის გვირაბის სინდრომი, რევმატოიდული ართრიტი, ხერხემლისა და სახსრების დეგენერაციული ცვლილებები და სხვა.

● ჭრილობები და წყლულები:  დიაბეტური წყლული, პოსტოპერაციული ანთება და ა.შ .

● ნერვული სისტემის დაავადებები: დიაბეტური პოლინეიროპათია, კრანიული და პერიფერიული ნერვების ნეიროპათია და ა.შ

● კანისა და რბილი ქსოვილების დაზიანებები და ა.შ

ეს არაინვაზიური და უსაფრთხო პროცედურა შეგიძლიათ ჩაიტაროთ “ახალი ხედვის” სარეაბილიტაციო ცენტრში. პროფესიონალი ექიმები, რომელებმაც  ზუსტად იციან  პროცედურის შესრულების ტექნიკა და გამოყენების მიზანი, ინდივიდუალური მკურნალობის გეგმით უზრუნველყოფენ მაგნიტოთერაპიის პროცედურის უახლესი აპარატურით ჩატარებას.