„ბოდიში ჩვენი გმირების ოჯახებს... გახსოვდეთ, ვერანაირი განცხადება, თუ გამოძიება ვერ შეურაცხყოფს მათ სულებს, ისინი სულ დარჩებიან ჩვენი ქვეყნის ისტორიის ნათელ მხარეს, ესენი კი აუცილებლად აღმოჩნდებიან ნაგავში...“ - გაერთიანებული შტაბის ყოფილი მოადგილე

„გიორგი ანწუხელიძის ოჯახს,

42- ე ბატალიონის პ/შემადგენლობას,

მე-4 ბრიგადის პ/შემადგენლობას,

ყველა ქართველ ჯარისკაცს და მებრძოლს,

2008 წლის ომში დაღუპულ გმირების ოჯახებს...

ნამდვილად მარაზმია ამ ჯალათის მოდგმის, ცინიკური და დამამცირებელი შოუ, რომელსაც სანახაობად აძლევენ თავიანთ ამომრჩეველს.

ის, რაც დღეს თქვა,უკვე შეურაცხყოფა კი არა, დანაშაულია და რამდენი წელიც არ უნდა გავიდეს, ზუსტად მას და მის ტყავის ჩექმებიან ჩეკისტებს მოუწევს ამ ყველაფერზე პასუხისგება, სხვა დანარჩენთან ერთად, ზუსტად ვიცი, რომ აუცილებლად დასრულდება ეს ღალატი და ჩვენი ქვეყანა თავის განვითარების ბუნებრივ მდგომარეობას დაუბრუნდება...

მანამდე კი, კიდევ ერთხელ

ბ ო დ ი შ ი

გიორგის და ყველა ჩვენი გმირების ოჯახებს, მათ შვილებს, დედებს, მამებს და მეუღლეებს...

ბოდიში ჩემგან პირადად, რომ ამ წუთში ვერაფერს ვაკეთებ თქვენი და ჩვენი ბიჭების ღირსების დასაცავად, რომ ეს არაადამიანები რუსებზე მეტს კადრულობენ, ისე, როგორც ბოლშევიკები 1924 წელს.

ბოდიში და გახსოვდეთ, რომ ვერანაირი თითოდ თუ პარტიებად აღებული პატარა ადამიანები, ვერანაირი განცხადება, სასამართლო თუ გამოძიება ვერ შეურაცხყოფს მათ სულებს, ისინი სულ დარჩებიან ჩვენი ქვეყნის ისტორიის ნათელ მხარეს, ესენი კი აუცილებლად აღმოჩნდებიან ნაგავში და ისტორიის სახელმძღვანელოები იტყვიან სიმართლეს.

მადლობა თქვენ გმირების გაზრდისთვის.

მადლობა ბიჭებს გმირული სულისთვის.

სიკვდილი საქართველოს მტრებს!

დიდება ჩვენს სამშობლოს.

გმირებს დიდება“ — წერს სოციალურ ქსელში გაერთიანებული შტაბის ყოფილი მოადგილე, მერაბ კიკაბიძე