„ლონდონის სასამართლომ დაადგინა, რომ ივანიშვილის უსაფუძვლო გამდიდრება სერიოზულ საკითხს წარმოადგენს, რომელიც ინგლისის სასამართლოს განხილვას ექვემდებარება“ - "ომეგა ჯგუფი"

„ქართული ოცნება“ ფეიკ ინფორმაციას ავრცელებს, თითქოს ზაზა ოქუაშვილი ინგლისის სასამართლოში დამარცხდა ბიძინა ივანიშვილთან - ამის შესახებ განცხადებას "ომეგა ჯგუფი" ავრცელებს.

"ომეგა ჯგუფი" ინფორმაციით, ლონდონის სასამართლომ დაადგინა, რომ ივანიშვილის უსაფუძვლო გამდიდრება სერიოზულ საკითხს წარმოადგენს, რომელიც ინგლისის სასამართლოს განხილვას ექვემდებარება.

„ქართული ოცნება“ ფეიკ ინფორმაციას ავრცელებს, თითქოს ზაზა ოქუაშვილი ინგლისის სასამართლოში დამარცხდა ბიძინა ივანიშვილთან და თითქოს სასამართლომ ოქუაშვილის მტკიცებულებები ფალსიფიცირებულად მიიჩნია.

სინამდვილეში კი, ლონდონის სასამართლომ 2025 წლის 7 აპრილს მიღებულ განჩინებაში, რომელიც უკავშირდებოდა განსჯადობას (იურისდიქციას), მნიშვნელოვანი დასკვნები გამოიტანა ივანიშვილის შესაძლო უსაფუძვლო გამდიდრებასთან დაკავშირებით და დაადგინა, რომ უსაფუძვლო გამდიდრების სარჩელი ივანიშვილის წინააღმდეგ წარმოადგენს სერიოზულ საკითხს, რომელიც ინგლისის სასამართლოს განხილვას ექვემდებარება.

მოსარჩელეთა მიერ დოკუმენტების დამატებითი ჩაბარების შემდეგ, ლონდონის სასამართლოში განახლდება სარჩელის განხილვა ივანიშვილის წინააღმდეგ.

ოქუაშვილის სასამართლო პროცესი ივანიშვილის წინააღმდეგ ლონდონის სასამართლოში გრძელდება"- წერია გავრცელებულ ინფორმაციაში. დღეს „ქართული ოცნებამ“ გაავრცელა განცხადება, სადაც ირწმუნებოდა, რომ ზაზა ოქუაშვილი დიდი ბრიტანეთის სასამართლოში ბიძინა ივანიშვილთან სამართლებრივ დავაში დამარცხდა, სასამართლომ კი წარდგენილი ბრალდებები ფალსიფიცირებულად ჩათვალა.