როგორ აძლიერებს კრეატინი ფიზიკურ შედეგებს

კრეატინი ერთ-ერთი ყველაზე პოპულარული და ეფექტური საკვები დანამატია სპორტში. მისი მთავარი უპირატესობა არის ადენოზინტრიფოსფატის (ATP) რეგენერაცია, რაც სხეულს საშუალებას აძლევს, სწრაფად აღადგინოს ენერგია და გაზარდოს ფიზიკური შესაძლებლობები.

კრეატინის სარგებელი სპორტსმენებისთვის

როცა ვსაუბრობთ იმაზე, თუ რა სარგებელი აქვს კრეატინის, როგორც საკვები დანამატის მიღებას სპორტული ცხოვრების მიმდევრებისთვის, ვგულისხმობთ ყველა იმ თვისებას რაც კრეატინს გააჩნია:

● ძალისა და გამძლეობის გაუმჯობესება – კრეატინი ზრდის კუნთებში არსებულ ATP-ის რაოდენობას, რაც ხელს უწყობს მეტი ძალის გამოჩენას.

● მკვეთრი და სწრაფი მოძრაობების გაუმჯობესება – სასარგებლოა სპორტის ისეთი სახეობებისთვის, რომლებიც მოითხოვს ინტენსიურ მოძრაობებს: ფეხბურთი, კალათბურთი და მოკლე დისტანციაზე სირბილი.

● კუნთოვანი მასის ზრდა – კრეატინი ეხმარება კუნთის ზრდას წყლის შეკავებისა და ცილის სინთეზის გაუმჯობესების გზით.

● აღდგენის პროცესის დაჩქარება – მძიმე ვარჯიშის შემდეგ, კრეატინი ხელს უწყობს კუნთების სწრაფ რეგენერაციას და დაღლილობის შემცირებას.

ზოგიერთი კვლევა აჩვენებს, რომ კრეატინს შეუძლია გაზარდოს კონცენტრაციისა და მეხსიერების უნარები, რაც განსაკუთრებით მნიშვნელოვანია სტრატეგიული სპორტის სახეობებში.

კრეატინი განსაკუთრებით სასარგებლოა შემდეგი კატეგორიის სპორტსმენებისთვის:

● ძალისმიერი სპორტის წარმომადგენლები – ბოდიბილდერები, ძალოსნები და სხვა

● ფეხბურთელები და კალათბურთელები

● ველომრბოლელები, მორბენლები, მოცურავეები

როგორ მივიღოთ კრეატინით მაქსიმალური სარგებელი

კრეატინის მიღება შესაძლებელია ორი გზით:

დატვირთვის ფაზა – პირველი 5-7 დღე კრეატინი მიიღება 20 გრამი დღეში (გაყოფილი 4 დოზად), შემდეგ კი 3-5 გრამი დღეში.

სტანდარტული მიღება – ყოველდღიურად, 3-5 გრამი კრეატინის მიღება, ასევე, ეფექტურია ხანგრძლივი პერიოდის განმავლობაში.

კრეატინის კომბინაცია სხვა დანამატებთან

კრეატინის მიღება სხვა საკვებ დანამატებთან კომბინაციაში საუკეთესო შედეგს იძლევა. ასეთი დანამატებია:

● ცილა (პროტეინი) – კუნთოვანი მასის ზრდისა და აღდგენის დასაჩქარებლად.

● BCAA (ამინომჟავები) – კუნთის დაშლის თავიდან ასაცილებლად.

● გლუტამინი – აღდგენის პროცესის გასაუმჯობესებლად და იმუნური სისტემის მხარდასაჭერად.

კრეატინი ითვლება ერთ-ერთ ყველაზე უსაფრთხო დანამატად, თუმცა, ზოგიერთ შემთხვევაში, მან შეიძლება გამოიწვიოს ისეთი გვერდითი მოვლენები, როგორებიცაა წყლის შეკავება ორგანიზმში და კუჭ-ნაწლავის დისკომფორტი.

კრეატინი სპორტსმენებისთვის ერთ-ერთი ყველაზე ეფექტური და უსაფრთხო დანამატია, რომელიც გეხმარება ძალის, გამძლეობისა და აღდგენის პროცესების გაუმჯობესებაში. შეიძინე extra-ზე და გახსოვდეს, მისი სწორი მიღება, სხვა დანამატებთან კომბინაციაში, იძლევა მაქსიმალურ შედეგს.

სტატიის ავტორი: ქეთი გოგიჩეიშვილი