"ივანიშვილი ახლა კობახიძეს ტენის პასუხისმგებლობას, რაც მისთვის ძალიან მძიმედ შეიძლება დასრულდეს" - გია ხუხაშვილი

რას უკავშირებენ პოლიტიკის ექსპერტები თორნიკე რიჟვაძის თანამდებობიდან წასვლას - გია ხუხაშვილი ამბობს, რომ ბიძინა ივანიშვილი ახლა ირაკლი კობახიძისთვის პასუხისმგებლობის გადაბარებას ცდილობს და სწორედ ამიტომ აკომპლექტებინებს  მისი კადრებით "ყველაზე სენსიტიურ მიმართულებებს".

კობახიძე იღებს ფორმალურ პასუხისმგებლობას პროცესებზე მთლიანობაში, რაც ჩემი აზრით, მისთვის ძალიან მძიმედ შეიძლება დასრულდეს - ამბობს ხუხაშვილი.

"ქართულ ოცნებაში" პერმანენტული კრიზისია. ეს არ არის სიახლე, რაც შეეხება ამ გადაადგილებებს, ამ გადაადგილებულებს, რა თქმა უნდა, აქვს სისტემური ხასიათი. ბიძინა ივანიშვილი ახლა , ბოდიში ჟარგონს გამოვიყენებ, ტენის პასუხისმგებლობას მიმდინარე პროცესებზე კობახიძეს ანუ ესე, რომ ვთქვათ მის კადრებს აკომპლექტებინებს ყველაზე სენსიტიურ მიმართულებებს. კობახიძე იღებს ფორმალურ პასუხისმგებლობას პროცესებზე მთლიანობაში, რაც ჩემი აზრით, მისთვის ძალიან მძიმედ შეიძლება დასრულდეს. ამის მიზანია პასუხისმგებლობის არიდება საკუთრივ თუ ასე, რომ ვთქვათ პასუხისმგებლობის ისეთი ტვირთის აკიდება კობახიძისთვის, რომ მერე მისი გაპრესვა და ანგარიშის წაყენება გაიოლდეს, ამას დრო გვაჩვევს", - ამბობს გია ხუხაშვილი.შეგახსენებთ რომ თორნიკე რიჟვაძემ თანამდებობის დატოვების შესახებ გადაწყვეტილება საზოგადოებას სოციალურ ქსელში გავრცელებული პოსტით ამცნო.