„ეს არის ეროვნული ღალატის კომისია“ - ლევან სანიკიძე წულუკიანის ე.წ. კომისიაზე

ლევან სანიკიძე:

ვამაყობ გენერალ ზაზა გოგავასთან და გენერალ მამუკა ყურაშვილთან მეგობრობით!ახლა მაინც არ რწმუნდებით, რომ ეს არ არის ბენზინგასამართი სადგურების საქმის გამოძიების კომისია? ეს არ არის ნაცების დასჯის კომისია, ან ვინ უნდა დასაჯონ ქოცებმა, ვის ჭირს მათი დასაჯელი.ეს არის ეროვნული ღალატის კომისია!ეს ომის კომისიაა, ომის! 2008 წლის ომში რუსეთის გამართლების კომისიაა და კი, იქ უნდა მივიდნენ ის სამხედროები ვინც უსარდლა საქართველოს! დღეს ეს საუკეთესოდ გამოჩნდა.არ შეშინებიათ არც პუტინის არმიის, არ შეშინებიათ ჰააგის პროკურორის, არ ეშინიათ რუსეთის ფედერაციის დავალებით მათი ძებნის და უბრალოდ სასაცილოა აქ წულუკიანის შიშზე რომ ვკითხულობ. უნდა იცნობდეთ ზაზას და მამუკას, მათ ბიოგრაფიას.არ არიან მარტივ ვითარებაში. მე ისინი გუშინაც ვნახე და მესმის მათი გადაწყვეტილების - სადაც შეუძლიათ და შეეძლებათ დაამტკიცებენ და დაიცავენ ქართული ჯარის ღირსებას, გინდა ჰააგაში, გინდა ბრძოლის ველზე და გინდა ქოცურ კომისიაზე. ამის შესახებაც ძალიან კეთილსინდისიერად მოიქცნენ და 1 თვით ადრე დატოვეს პოლიტიკა, იმისთვის რომ არ შექმნილიყო უხერხულობა და არ დაწყებულიყო საუბარი პარლამენტისთვის ლეგიტიმაციის მინიჭებაზე.მათი წყალობითაა რომ 2021 წლის 21 იანვარს სტრასბურგის ადამიანის უფლებათა ევროპულ სასამართლოში, ხოლო შემდეგ 2022 წლის 30 ივნისს ჰააგის სისხლის სამართლის საერთაშორისო სასამართლოში გაიმარჯვა ქართულმა არმიამ და გიორგი ანწუხელიძემ.უამრავ კითხვაზე მოვისმინეთ პასუხი, რაზეც პროპაგანდას პასუხი უნდა მიეღო!ისინი ამომრჩეველზე მეტად პასუხს აგებენ ძმათა სასაფლაოებთან. არ დაუშვებენ იმის თქმას, რომ ძმები რომელაშვილები გაუაზრებელ პროვოკაციას შეეწირნენ. საშინელი ტვირთი აწევთ, რაც ბევრისთვის გასააზრებლადაც კი რთულია.მათი გამშავებელი ყველა ან ცხელთავიანი, ან მავნებელია, რომელიც მათ ღირსებას ვერაფერს დააკლებს!