გონორეა – სიმპტომები და მკურნალობის გზები

გონორეა ეს არის სქესობრივი გზით გადამდები ინფექცია, გამოწვეული ნეისერია გონორეას ბაქტერიის მიერ. მისით ავადდებიან ორივე სქესის წარმომადგენლები.

ორგანოებს, რომლებზეც გავლენას ახდენს გონორეა, წარმოადგენენ:

• შარდსადენი;

• სწორი ნაწლავი;

• ხახა;

• ვაგინა;

• თვალები;

• ქალის რეპროდუქციული ტრაქტის ორგანოები : ფალოპის მილები, საშვილოსნოს ყელი და თავად საშვილოსნო.

მკურნალობის გარეშე მყოფმა გონორეულმა ინფექციამ შესაძლოა უშვილობამდე მიგვიყვანოს, თუმცა განკურნება მარტივი გზით ხდება, ამიტომ ექიმთან დროული მიმართვით შემდგომი გართულებების თავიდან არიდება შესაძლებელია და ეს დიაგნოზი განაჩენს არ წარმოადგენს.

გონორეას სიმპტომები

გონორეულ ინფექციას თან ყოველთვის არ ახლავს სიმპტომები. თუ თქვენი ინფექცია უსიმპტომოდ მიმდინარეობს, ეს იმას არ ნიშნავს, რომ არ ხართ გადამდები.

რიგ შემთხვევებში გონორეული ინფექციის დროს შესაძლოა არ გამოვლინდეს სიმპტომები, თუმცა გამოვლენის შემთხვევაში მხოლოდ გამოიხატება გენიტალურ ტრაქტში.

გონორეის სიმპტომებს მამაკაცებში წარმოადგენს:

• ტკივილი შარდვის დროს

• ჩირქოვანი გამონადენი ასოდან

• ტკივილი და შეშუპება ერთ-ერთი სათესლე ჯირკვლის არეში

სიმპტომებს ქალების შემთხვევაში მიეკუთვნება :

• ჭარბი ვაგინალური გამონადენი

• წვა შარდვის დროს

• სისხლიანი გამონადენი მენსტრუალურ ციკლებს შორის პერიოდში

• ტკივილი მუცლის ან მენჯის ღრუში

იმ შემთხვევაში, თუ აღნიშნული სიმპტომებიდან შენიშნეთ რომელიმე, ან ეჭვი გაქვთ გონორეით დაინფიცირებაზე, აუცილებელია მალევე გაიაროთ კონსულტაცია სპეციალისტთან. REMDED-ის პლატფორმა გეხმარებათ სახლიდან გაუსვლელად, თქვენთვის სასურველ დროს შეძლოთ დაკავშირება ექიმთან - გინეკოლოგთან  ან უროლოგთან.

გონორეას რისკ-ფაქტორები

ერთადერთი გზა, როდესაც შეგიძლიათ დარწმუნებული იყოთ, რომ არ დაავადდებით გონორეული ინფექციით არის სქესობრივი კონტაქტის არქონა. იმ შემთხვევაში, თუ გყავთ გრძელვადიანი პარტნიორი, რომელიც თქვენს მსგავსად მონოგამიური ურთიერთობაშია, ინფიცირების რისკიც მცირდება.

გონორეით დაინფიცირების რისკი იზრდება, თუ თქვენ:

• ხართ ახალგაზრდა;

• ხშირად იცვლით პარტნიორებს;

• გყავთ პარტნიორი, რომელიც ურთიერთობაშია სხვებთან;

• გქონდათ გონორეა წარსულში;

• გქონიათ სხვა სქესობრივად გადამდები ინფექციები.

როგორ მოქმედებს გონორეა ორსულობაზე?

სამწუხაროდ რიგ შემთხვევებში გონორეული ინფექციის აღმოჩენა ორსულობის დროს ხდება. უმეტეს შემთხვევაში ეს უსიმპტომო მიმდინარეობის დროს ხდება.

ბუნებრივი მშობიარობისას, დაინფიცირებული დედიდან ნაყოფზე ინფექციის გადაცემის დროს, ახალშობილებში გვხვდება თვალების თანდაყოლილი დაზიანებები, რიგ შემთხვევებში კი სიბრმავეც. ამიტომ აუცილებელია გონორეული ინფექციის დიაგნოსტირება მოხდეს მშობიარობამდე.

მოზრდილებსა თუ ბავშვებში ანტიბიოტიკოთერაპია წარმოადგენს მკურნალობის ერთადერთ ძირითად მეთოდს. ანტიბიოტიკის შერჩევა აუცილებლად უნდა მოხდეს თქვენი ექიმის მიერ, რადგან თვითმკურნალობამ შესაძლოა გამოიწვიოს გართულებები ან წაშალოს ინფექციის კვალი. ამასთანავე აუცილებელ პირობას წარმოადგენს ორივე პარტნიორის ერთდროული მკურნალობა.

გონორეული ინფექციისგან თავის დასაცავად აუცილებელია ყველა სქესობრივი აქტის დროს გამოყენებულ იქნას კონდომი ან პარტნიორები იყვნენ მონოგამიურ ურთიერთობაში.

აუცილებელია ორივე პარტნიორის ტესტირება სქესობრივად გადამდებ ინფექციებზე ურთიერთობის დაწყების წინ. ასევე აუცილებელია რეგულარული სკრინინგი.