ხერხემლის ფართოდ გავრცელებული პრობლემები

მედიკოსები ხერხემლის პრობლემების წინაპირობად, ძირითადად, დიდხანს უმოძრაოდ ჯდომას მიიჩნევენ. გარდა ამ მიზეზისა, არსებობს ისეთი დაავადებები, რომლებიც წელის ტკივილის შეგრძნებებს იწვევს. ხერხემლის ფართოდ გავრცელებული პრობლემებია:

● მალთაშუა დისკის თიაქარი;

● ოსტეოქონდროზი;

● კუზი;

● ლორდოზი;

● სქოლიოზი.

გარდა ამისა, ხერხემლის ტკივილს იწვევს:

● გადაღლილობა;

● დაჭიმულობა;

● დიდხანს ცუდ პოზაში ჯდომა/წოლა;

● სიმძიმეების აწევა;

● ტრავმა;

● ხერხემლის პათოლოგიები.

ხშირად ხერხემლის ტკივილი სუნთქვის დროს ძლიერდება, ამას შეიძლება მრავალი განსხვავებული მიზეზი ჰქონდეს. მაგალითად, ძვლოვანი ან კუნთოვანი ნაწილის დაზიანება. მწვავე, ძლიერი, შეტევითი ტკივილი კი, როგორც წესი, წელკავს ახასიათებს. ხერხემლის ტკივილის დროს პაციენტები მკურნალობის სხვადასხვა მეთოდს მიმართავენ. წელის არეში დატვირთვის შემსუბუქების მიზნით და დისკომფორტის შესამცირებლად  ადამიანები ხერხემლის კორსეტებს ატარებენ. ეს პროდუქტი ხერხემლის საჭირო ხარისხით ფიქსაციას უზრუნველყოფს და ზურგის კუნთების დაჭიმვის, სპონდილოზისა და იოგების/მყესის დაზიანების მკურნალობის პროცესში ძალიან ეფექტურია.  პაციენტები მას ძვალ-სახსროვანი და კუნთოვანი სისტემის მრავალი დაავადების პროფილაქტიკისა და რეაბილიტაციის მიზნითაც ატარებენ. გარდა ამისა, ზურგის ტკივილის ასაცილებლად აკეთეთ მსუბუქი ვარჯიშები, შეარჩიეთ ძილის დროს სწორი პოზა, ყოველთვის დაჯექით კომფორტულ მდგომარეობაში და გაიარეთ ფიზიკური თერაპია.