ვიდეო: როგორ დაიგეგმა ე.წ. კანონიერი ქურდის ძმის მკვლელობა - ახალი კადრები

"შაბათის ეთერმა" ე.წ. კანონიერი ქურდის ძმაზე ჩასაფრების ახალი კადრები მოიპოვა - კადრები ლევან ჯანგველაძის მკვლელობამდე 13 წამით ადრეა გადაღებული. ამ დროს ე.წ. კანონიერი ქურდის ძმა ჭავჭვაძის 7 ნომრის სადარბაზოდან გამოდის. კადრების მიხედვით, გელა უძილაური ჭავჭვაძის გამზირზე ერთ-ერთ სკამზე ზის და სხვა მიმართულებით იყურება.

სანამ კადრში ჯანგველაძე და კახა ძანძავა გამოჩნდებიან, მოულოდნელად, უძილაური დგება, კეპზე ხელს იკიდებს, რამდენიმე წამში კი ვიდეო-მასალაში ლევან ჯანგველაძე და კახა ძანძავა ჩნდებიან.

სათვალთავლო კამერების ჩანაწერები აჩენს ვარაუდს, რომ გელა უძილაური ჭავჭვაძის გამზირზე იმ დღეს მარტო არ იყო. მას მინიმუმ თანამზრახველი ჰყავდა, რომელიც სავარაუდოდ, მიმდებარე ტერიტორიას აკონტროლებდა.
ჰყავდა თუ არა ქილერს ინფორმარმატორი, ვინც საბედსიწერო ღამეს ლევან ჯანგველაძის გადადგილების შესახებ ინფორმაციას აწვდიდა? - ინფორმაციას პროკურორი არც ადასტურებს და არც უარყოფს, თუმცა გია შაიშმელაშვილი "შაბათის ეთერს" ეუბნება, რომ გამოძიება ყველა მიმართულებით მიმდინარეობს, მათ შორის პროკურატურა იკვლევს, გელა უძილაურის სატელეფენო კომუნიკაციას - მკვლელობის დღეს და მანამდე.

ვიდეო სათვალთვალო კადრებით ჩნდება განცდა, რომ გასროლამდე ქილერს კახა ძანძავასთან და ლევან ჯანგველაძესთან სიტყვიერი კომუნიკაციის მცდელობაც ჰქონდა. სწორედ ამ დროს შეამჩნია ის ძანძავავ.  კადრში ჩანს, რომ ის უძილაურის მიმართულებით ბრუნდება, ქილერი სროლას აპირებს, თუმცა მას ხელს შემთხვევით გამვლელები უშლიან.

რა უთხრა გასროლამდე გელა უძილაურმა ჯანგველაძეს? - ეს კითხვა დიდი ალბათობით საგამოძიებო უწყებამ უკვე დაუსვა კახა ძანძავას, რომელიც ძალიან ახლოს დგას და შესაძლებელია ქილერის ნათქვამი გაეგო. ერთ-ერთი ვერსიით, კახა ძანძავამ მოისმინა ფრაზა - "მოკითხვა საბერძნეთიდან".

დედაქალაქის ცენტრალურ გამზირზე ქილერმა ლევან ჯანგველაძეს 22 საათსა და 37 წუთზე 14-ჯერ ესროლა. ე.წ. კანონიერი ქურდის ძმას 10 ტყვიიდან ერთი პირდაპირ გულში ჰქონდა მოხვერდილი - ის ადგილზე გარდაიცვალა. 
ერთ-ერთი ვერსიით, გელა უძილური თვეების წინ, დეკემბერში რამდენჯერმე იმყოფებოდა სასტუმრო "ამბასადორთან", რომელსაც ლევან ჯანგვალაძე ხშირად სტუმრობდა და რამდენჯერმე ჩასაფრებაც მოუწყო სასტურმოს ტერიტორიაზე.

ამ ინფორმაციას გამომძებელ ჟურნალისტთან, მარიამ გაფრინდაშვილთან საქმის პროკურორი ვერ უარყოფს - გია შაიშმელაშვილი ადასტურებს, რომ საგამოძიებო უწყება ყველა ვერსიაზე მუშაობს - იკვლევნ უძილაურის კონტაქტებს და ფიანანსსურ ტრანზაქციებსაც კი.