ტრამპის ადმინისტრაცია 43 ქვეყნისთვის მკაცრი სამოგზაურო შეზღუდვების დაწესებას გეგმავს

მსოფლიო 15 მარტი 13:36

ტრამპი 1

ტრამპის ადმინისტრაცია 43 ქვეყნის მოქალაქეებისთვის მკაცრი სამოგზაურო შეზღუდვების დაწესებას გეგმავს. ინფორმაციას და ქვეყნების შესაძლო ჩამონათვალს The New York Times ავრცელებს.

 

წინასწარ ჩამონათვალში, რომელიც NYT-ის ცნობით, დიპლომატიურ და უსაფრთხოების სფეროში მომუშავე ამერიკელმა მაღალჩინოსნებმა შეადგინეს, 43 ქვეყანა სამ კატეგორიაშია განაწილებული.

 

თუმცა, გამოცემასთან საუბრისას ანონიმურმა მაღალჩინოსნებმა ასევე აღნიშნეს, რომ სია აშშ-ს სახელმწიფო დეპარტამენტში რამდენიმე კვირის წინ შეადგინეს, რის გამოც სავარაუდოა, რომ თეთრ სახლში მოხვედრის შემდეგ მასში ცვლილებები შეიტანეს.

 

გამოცემის მოპოვებული ინფორმაციით, "წითელ" ჩამონათვალში ის ქვეყნები შედიან, რომლის მოქალაქეებსაც სრულად აქვთ აკრძალული აშშ-ში შესვლა:

ავღანეთი
ბუტანი
კუბა
ირანი
ლიბია
ჩრდილოეთ კორეა
სომალი
სუდანი
სირია
ვენესუელა
იემენი
NYT-ის ცნობით, "ნარინჯისფერ" სიაში შედის 10 ქვეყანა, რომლის მოქალაქეებისთვისაც აშშ-ში მოგზაურობა სრულად აკრძალული არ არის, თუმცა მკაცრად შეზღუდულია:

 

რუსეთი
ბელარუსი
ერიტრეა
ჰაიტი
ლაოსი
მიანმარი
პაკისტანი
სიერა-ლეონე
სამხრეთ სუდანი
თურქმენეთი
ასეთ შემთხვევაში, როგორც გამოცემა წერს, აშშ-ში შესვლის უფლება შეიძლება მიეცეთ ჩამოთვლილი ქვეყნებიდან შეძლებულ საქმიან მოგზაურებს, თუმცა არა ადამიანებს, რომლებიც იმიგრანტის ან ტურისტული ვიზით მოგზაურობენ.

 

და ბოლოს, "ყვითელ" სიაში შედიან ისეთი ქვეყნები, რომლებსაც გადაწყვეტილების ძალაში შესვლიდან 60 დღე ექნებოდათ, რათა აშშ-სთან არსებული პრობლემები მოეგვარებინათ, მათ შორის, პასპორტების გაცემის არაადეკვატური პრაქტიკა და ისეთი ქვეყნების მოქალაქეებისთვის საკუთარი მოქალაქეობის მიყიდვა, რომლებსაც აშშ-ში შესვლა აკრძალული აქვთ:

ანგოლა
ანტიგუა და ბარბუდა
ბენინი
ბურკინა ფასო
კამბოჯა
კამერუნი
კაბო-ვერდე
ჩადი
კონგოს რესპუბლიკა
კონგოს დემოკრატიული რესპუბლიკა
დომინიკა
ეკვატორული გვინეა
გამბია
ლიბერია
მალავი
მალი
მავრიტანია
სენტ-კიტსი და ნევისი
სენტ-ლუსია
სან-ტომე და პრინსიპი
ვანუატუ
ზიმბაბვე
NYT-ის ინფორმაციით, "ყვითელ" სიაში არსებულ 22 ქვეყანას 60 დღეში ზემოაღნიშნული პრობლემების მოუგვარებლობის შემთხვევაში სხვა ფერის სიაში გადასვლა დაემუქრებოდათ.

 

სამოგზაურო შეზღუდვების გაფართოების საკითხსა და ქვეყნების ჩამონათვალზე, უსაფრთხოების სპეციალისტებთან და სადაზვერვო სააგენტოებთან ერთად, საელჩოები და აშშ-ს სახელმწიფო დეპარტამენტის რეგიონული ბიუროები მუშაობენ.

 

20 იანვარს, ინაუგურაციის დღეს აშშ-ს პრეზიდენტმა დონალდ ტრამპმა აღმასრულებელი ბრძანება გამოსცა, რათა მომხდარიყო იმ ქვეყნების იდენტიფიცირება, რომლებსაც არ აქვთ უსაფრთხოების საკმარისი ზომები მიღებული და ვერ ახორციელებენ თავიანთი მოქალაქეების საფუძვლიან შემოწმებას აშშ-ში მოგზაურობამდე.

 

ტრამპმა სახელმწიფო დეპარტამენტს 60 დღე მისცა, რათა თეთრი სახლისთვის ანგარიში შეედგინა, რომელშიც აღნიშნული სიაც იქნებოდა. შესაბამისად, ანგარიშის წარდგენის ბოლო ვადა შემდეგ კვირაში იქნება.

 

NYT-ის ინფორმაციით, უცნობია, გავრცელდება თუ არა ახალი შეზღუდვები იმ პირებზე, რომლებსაც აშშ-ს ვიზა უკვე აქვთ ან ჩამოერთმევათ თუ არა მწვანე ბარათის მფლობელ პირებს მუდმივი ცხოვრების ნებართვა.

 

ცნობისთვის, ტრამპმა პირველ საპრეზიდენტო ვადაში ასევე დაამტკიცა სამოგზაურო შეზღუდვები, თუმცა იმ დროს აშშ-ში შემოსვლა 8 ქვეყნის მოქალაქეებს აეკრძალათ. სამოგზაურო შეზღუდვები გაიწვია შემდეგმა პრეზიდენტმა, ჯო ბაიდენმა და მათ უწოდა "ლაქა ეროვნულ სინდისზე".

 

ტრამპის 20 იანვრის აღმასრულებელ ბრძანებაში აღნიშნული იყო, რომ ის აღადგენდა სამოგზაურო შეზღუდვებს, რათა დაეცვა ამერიკელი მოქალაქეები "უცხოელებისგან, რომლებიც ტერაქტების მოწყობას განიზრახავენ, საფრთხეს უქმნიან ჩვენს ეროვნულ უსაფრთხოებას, ავრცელებენ ზიზღის შემცველ იდეოლოგიას და იმიგრაციის კანონებს ბოროტი მიზნებისთვის იყენებენ".

 

გამოცემის ცნობით, ახალ სიაში რამდენიმე ქვეყანაა ჩამატებული, რომელიც ტრამპის წინა საპრეზიდენტო ვადაში დამტკიცებულ სიაში არ იყო. 

მასალის გამოყენების პირობები
სხვა სიახლეები
სენატი
"ოცნება" იზოლაციაში რჩება და ამის მთავარი სიმპტომი "MEGOBARI აქტია"

ევროპულ-ქართული ინსტიტუტის დამფუძნებელი, მკვლევარი გიორგი მელაშვილი ამბობს, რომ აშშ-ს მიერ ინიცირებული მეგობარი აქტი "ოცნებისთვის" უარღესად მკაცრი იქნება. მისი თქმით, 21 იანვრის შემდეგ ივანიშვილის ხელ...

პოლიტიკა 12:05

ძებნილი
ყოფილ სპეცრაზმელს პოლიცია ქვეყნის მასშტაბით ეძებს - რას ამბობს უძილაურის დედა

მკვლელობა ვაკეში - ყოფილი სპეცრაზმელის ოჯახში ადასტურებენ, რომ პოლიციამ საგამოძიებო მოქმედებები ჩაატარა. "პირველებს" უძილაურის დედა ეუბნება, რომ შინაგან საქმეთა სამინისტრომ ყვარლის სახლიდან ჩიპები და...

კრიმინალი 12:03

ოთარ ფარცხალაძე
სანქცირებული ფარცხალაძე სახელმწიფო ინტერესების წინააღმდეგ მოქმედებს - ოპოზიცია

სანქცირებული ოთარ ფარცხალაძის მოსკოვში გააქტიურება პროდასავლურ ოპოზიციას არ უკვირს. შაბათის ეთერის ხმაურიანი რეპორტაჟის შემდეგ "ოცნების" ოპონენტები პირდაპირ ამბობენ, რომ საქართველოს ყოფილი გენპროკურორ...

პოლიტიკა 12:01

სერბეთი
აქციის შემდეგ, რა დროსაც 56 ადამიანი დაშავდა, ვუჩიჩმა სერბეთის პოლიცია "მშვიდობის შენარჩუნებისთვის" შეაქო

სერბეთის დედაქალაქ ბელგრადში შაბათს, 15 მარტს, ყველაზე მასშტაბური აქცია გაიმართა. მოსახლეობა მთავრობის გადადგომას ითხოვს. აქციის დროს, 56 ადამიანი დაშავდა, დაკავებულია 22 პირი. აქციის ფონზე პრეზიდენტმ...

მსოფლიო 11:59

მოკლული
თბილისში 21 წლის ბიჭი საკუთარ დაბადების დღეზე მოკლეს

თბილისში გამთენიისას 21 წლის მამაკაცი მოკლეს. ახალგაზდას ცივი იარაღით გაუსწორდნენ. მამაკაცს, სულ მცირე, ხუთჯერ ჩაარტყეს დანა, აქედან ერთი გულში. სიტყვიერი დაპირისპირება ბარში დაიწყო და ქუჩაში გაგრძელდ...

კრიმინალი 11:57

დაკავება
იმერეთში, ნარკოდანაშაულის ბრალდებით 2 პირი დააკავეს

შინაგან საქმეთა სამინისტროს ინფორმაციით, ნარკოდანაშაულის ბრალდებით 2 პირი, წარსულში ნასამართლევი: 2002 წელს დაბადებული ი.ა. და 2002 წელს დაბადებული მ.კ. დააკავეს. გამოძიება სისხლის სამართლის კოდექსის...

კრიმინალი 11:54