„მოღალატე "ოცნება" პუტინის დავალებას ასრულებს“ - აგვისტოს ომის ვეტერანები წულუკიანის კომისიაზე

აგვისტოს ომთან დაკავშირებით წულუკიანის კომისიის გამოძიებას აგვისტოს ომის ვეტერანები  ქვეყნის და სახელმწიფო ინტერესების ღალატად აფასებენ. 2008 წლის ომის მონაწილეები აპირდაპირ ამბობს, რომ "ოცნება" რუსულ დავალებას ასრულებს და წყალს მტრის წისქვილზე ასხამს, როდესაც ცდილობს, აგვისტოს ომის დამნაშავედ საქართველო გამოაცხადოს.

ყველაფერი ნათელია. მე ამას ღალატის გარდა სხვა სახელს ვერ ვპოულობ. წეღანც ვთქვი, ხალხის ინტერესების და მით უფრო, პატრიოტი ხალხის ინტერესების და ქვეყნის წინაშე რომ მიდის მთავრობა, ის უკვე მოღალატეა. ასხამენ მტრის წისქვილზე წყალს თავიანთი ქმედებებით და უნდათ, სიამოვნება მიანიჭონ თავიანთი ქმედებებით თავიანთ ხელმღვანელობას კრემლში, აქედან გამომდინარე, მათი დირექტივებით მოქმედებენ, ჩემი სუბიექტური აზრია, რომ ეს მთავრობა მოქმედებეს რუსეთის დავალებით. კულუარებში რასაც საუბრობს ხალხის, რომ პირდაპირ კრემლის აგენტები სხედან მთავრობაში და დირექტივებს აძლევენ ჩვენი მთავრობის ხელმძღვანელობას უმაღლეს ეშელონებში, ეს ჩემთვის პირდაპირი სიგნალია, რომ ასრულებენ კრემლის დავალებას, - ამობს აგვისტოს ომის ჯარისკაცი. 
ვიცე პოლკოვნიკი ია პაიჭაძე პირდაპირ ამბობს, რომ წულუკიანის კომისია პუტინის დავალებას ასრულებს და ხელახლა კლავს იმ ქართველ გმირებს, რომლემიც ამ ომს შეეწირნენ.

სისხლის სამართლის საერთაოშორისო სასამართლომ, რომელიც ჩვენთვის ცნობილია ჰააგის სასამართლოს სახელით, დაადგინა, რომ ომის დამნაშავე არ არის საქართველო და არის დამნაშავე და აგრესორი რუსეთი. ეს კომისია ასრულებს რუსეთის და პუტინის დავალებას და იმ გმირებს, რომლებიც შეეწირნენ ამ ომს, ეს იყო 14 პოლიციელი და 167 სამხედრო მოსამსახურე, მათ ხელახლა კლავენ. ჩვენს თვალწინ ხორციელდება ღალატი. ითესება იმის განცდა, რომ შენი ქვეყნის ტერიტორიული მთლიანობის დაცვა არის დასჯადი და გმირობა დანაშაულია. ამას აკეთებენ ახლა. მაგრამ, უნდა გაათვითცნობიერონ და მოუწევთ, რომ გაათვიცნობიერონ, რომ ანწუხელიძე არის უკვდავი და ამ გმირების ხსოვნას საქართველო სანთლებად აინთებს და სანამ მომავალი ხმაურობს, მანამდე საქართველოს გადაშენება არ უწერია, - ამბობს  პოლიციის ყოფილი მაღალჩინოსანი, ვიცე პოლკოვნიკი ია პაიჭაძე