„წინააღმდეგობის პლატფორმაში" შემავალი პოლიტიკური პარტიები წულუკიანის კომისიაზე არ მივლენ

„წინააღმდეგობის პლატფორმის“ მეორე შეხვედრაზე დავაფიქსირეთ პოზიცია, რომ არცერთი აქ შემავალი პოლიტიკური პარტია არ მიიღებს მონაწილეობას ე.წ დროებით საგამოძიებო კომისიის მუშაობაში - ამის შესახებ საქართველოს მეხუთე პრეზიდენტმა საგანგებო ბრიფინგზე განაცხადა.

სალომე ზურაბიშვილი პირდაპირ ამბობს, რომ  საგამოძიებო კომისია " არალეგიტიმური პარლამენტის მიერ შექმნილი, სრულად არალეგიტიმურია და ემსახურება რუსულ ინტერესებს“.

წინააღმდეგობის პლატფორმა ღიაა ყველა იმ პროევროპული პარტიისთვის, რომლებიც იზიარებენ ჩვენს მთავარ პრიორიტეტებს, ესენია: ახალი არჩევნები, სინდისის პატიმრების გათავისუფლება და ქართუი ქარტიის მხარდაჭერა.

კოორდინაციამ დღეს განიხილა ერთი აქტუალური თემა, რომელიც არის ე.წ. საგმოძიებო კომსიიის საქმიანობა და ადამიანების დაბარება და დავაფიქსირეთ პოზიცია, რომ არცერთი აქ შემავალი პოლიტიკური პარტიები არ მიიღებენ მონაწილეობას ამ კომისიაში, რადგან ეს კომისია ერთის მხრივ არის სრულიად არალეგიტიმური, როგორც არალეგიტიმური პარლამენტის მიერ შემქნილი და მეორეს მხრივ, იმიტომ რომ ეს კომისია ემსახურება მხოლოდ და მხოლოდ რუსულ ინტერესებს. ასე რომ , არ არსებობს არანაირი საფუძველი იმის, რომ ვინმემ მიიღოს მონაწილეობა. ასევე ეს კომისია ემსახურება იმას, რომ დაითესოს შიში"- თქვა ზურაბიშვილმა.
პრეზიდენტის განცხადებით, „წინააღმდეგობის პლატფორმის“ მეორე შეხვედრაზე შეთანხმდნენ, რომ შეიქმნება საერთო კალენდარი, რომ შეჯერებული პოზიციები  დროულად იყოს მიწოდებული სხვადასხვა ლიდერებთან თუ პარლამენტებთან:

შევქმნით ერთიან საერთსორისო კალენდარს იმისთვის, რომ ჩვენი პოზიციები დროულად იყოს მიწოდებული სხვადასხვა ლიდერებთან თუ პარლამენტებთან, როგორც კოორდინაციის პოზიციები. ეს იქნება ჩვენი პოლიტიკური პოზიციების გაჟღერება. პირველი ეს იქნება 7 აპრილს, ევროპული საბჭოს ასაბლეის სესია, რომლისთვისაც ემზადებიან პოლიტიკური პარტიები და ადგილზე მიმდინარეობს კოორდინაცია.

ასევე შეიქმნება ერთიანი საკომუნიკაციო ჯგუფი, რომელიც სოციალურ პლატფორმებს შექმნის და ამით უფრო სწრაფად გავავრცელებთ ჩვენს განცხადებებს, რათა ამ კოორდინაციის საქმიანობა ყველასთვის ხელმისაწვდომი იყოს.

ცოტა ხანში კოორდინაციის წევრები შეხვდებიან გერმანელი ჟურნალისტების ჯგუფს, რომლებსაც გავაცნობთ ჩვენ საქმიანობას"- დასძინა მან.