ვიდეო: „ეს არის ირაკლი რუხაძის სახე... ამ კაცისთვის მთავარია ფულის კეთების მეტი შესაძლებლობა ხელიდან არავინ გამოაცალოს“ - ნანუკა ჟორჟოლიანი

ჟურნალისტი ნანუკა ჟორჟოლიანი:

ეს არის ირაკლი რუხაძის სახე. ოლიგარქის რომელსაც თავში აზრად არ მოსვლია, გაეკეთებინა იმედის ფონდი და სხვების სიცოცხლე გადაერჩინა.
რომელსაც საერთოდ არანაირი ფონდი არ გაუკეთებია სხვების სიცოხხლის გადასარჩენად, მიუხედავად იმისა რომ ეს მსოფლიო პრაქტიკაა. როცა მილიონები გაქვს, უნდა გქონდეს სოციალური პასუხისმგებლობაც, მაგრამ ეს იმ შემთხვევაში თუ მორალი არსებობს შენში.
ამ კაცისთვის მთავარია ფულის კეთების მეტი შესაძლებლობა ხელიდან არავინ გამოაცალოს.
პროკურატურას რომ ბავშვების გადარჩენისთვის ყადაღის მოხსნა ვთხოვე, ასეთი შინაარსის პროპაგანდისთვის გამოიყენა კაცმა, რომელსაც თავად არასოდეს გაუკეთებია იგივე.
ვერც კი ხვდება რას ნიშნავს იბრძოდე სხვისი სიცოცხლისთვის. მისთვის მთავარია ყველა გაშავდეს, ვინც მის მხარეს არაა, თუნდაც ამ გაშავებით რეანიმაციაში მყოფ ბავშვებს, უფულობის გამო აპარატი გამოურთონ.
ეს კაცია ირაკლი რუხაძე და ესაა მისი ტელევიზია. რომლისთვისაც მთავარია პროოაგანდა.
ვინც აქ მუშაობთ, ჩემი ჩართვა და განცხადება რომ ნახეთ და ახლა ამას უყურებთ როგორ არ გრცხვენიაათ? სახელობითად დაგითაგოთ გადასარჩენი ბავშვები? ან გადარჩენილები? სახელობითად დაგითაგოდ უმძიმესი დიაგნოზის ბავშვები?!
“ნანუკამ აღიარა ძალადობრივი ქმედებების დაფინანსება” ამას ამბობს თქვენი ტელევიზია მხოლოდ იმიტომ რომ ბავშვებისთვის, რომლებიც სიცოცხლისთვის იბრძვიან, ჩვენივე ფულზე ყადაღის მოხსნა მოვითხოვე და სანაცვლოდ უარი ვთქვი ამ ფონდით სხვა შინაარსის გადარიცხვებზე.
ირაკლი რუხაძეს გულით ვუსურვებ ყველა იმ პრობლემას, რაც ამ ფონდს ხალხისთვის მოუგვარებია.
პ.ს. ლევან, (გადაცემის წამყვანია) თუ რამე ცხოვრებაში არასწორი გამიკეთებია, წინ დამხვდა. ზუსტად იგივე შინაარსით და ზუსტად იგივე კონტექსტით. მოვა დრო დაგჭირდება ჩემი დახმარება და დამირეკე, აუცილებლად დაგეხმარები.