„თქვენს ეთერს რუსეთი უყურებს" - პაატა დავითაია წულუკიანის კომისიას

"ევროპული დემოკრატების" თავმჯდომარე პაატა დავითაია, რომელიც აგვისტოს ომის გამოძიების დროს საპარლამეტო კომისიის თავმჯდომარე იყო, იმ მიზეზებს განმარტავს, რის გამოც წულუკიანის საგამოძიებო კომისიის სხდომაზე მივიდა.

დავითაიას თქმით, აგვისტოს ომის თემა სახელმწიფო ინტერესებიდან გამომდინარე, მნიშვნელოვანი საკითხია და სხდომაზე მისვლაც მაღალი საზოგადოებრივი ინტერესიდან გამომდინარე გადაწყვიტა.

ყოფილმა მაღალჩინოსანმა თეა წულუკიანს უთხრა, რომ ის სანქციები, რომელიც ჰააგის სასამართლომ რუსეთის ფედერაციას დააკისრა, მათ შორის, სწორედ მის მიერ შექმნილი კომისიის დასკვნების დამსახურებაა.

საზოგადოებრივი მაღალი ინტერესიდან გამომდინარე განვმარტო ის  მიზეზები, რატომაც მოვედი კომისიის სხდომაზე. აგვისტოს ომის თემა არის ძალიან მნიშვნელოვანი თემა სახელმწიფო ინტერესებიდან გამომდინარე. გარკვეული პოლიტიკური პარტიების მხრიდან ყოველთვის ხდება ცალკეული ინტერპრეტაციები ამ მიმართულებით. ყოველი ჩემი სიტყვა იქნება აწონილი, იმიტომ, რომ ამ ეთერს, ამ ჩვენებას უყურებს რუსეთის ფედერაცია, როგორც ოკუპანტი ქვეყანა. ნებისმიერი ჩემი სიტყვა გამოყენებული შეიძლება, იქნეს ქართული სახელმწიფოს წინააღმდეგ ჰააგის საერთაშორისო სისხლის სამართლის პროკურატურაში.

სანქცია რაზეც გაიცა, მინდა, ხაზი გავუსვა, ჰააგის პროკურატურის მიერ, მხოლოდ და მხოლოდ იმ პირებზე, სადაც ჩვენ მოვიპოვეთ აუდიო, მათი ჩანაწერები, რაც სერიოზული მტკიცებულება იყო, რა თქმა უნდა, მტკიცებულებათა ბაზით განმტკიცებული, რაც პროკურატურამ თავის დროზე გამოიძია, - თქვა დავითაიამ სხდომაზე.
დავითაიას ამ განაცხადებას წულუკიანის კომენტარი მოჰყვა, მისი თქმით, ჰააგის სასამართლოს დასკვნა "ქართული ოცნების" მუშაობის შედეგია.

რა ძალისხმევად დაგვიჯდა, რომ 2012ნწლის 1 ოქტომბრის მერე, რომ მტკიცებულებები შეგვეგროვებინდა და სტრასბურგში, რუსეთი, რომელიც დაგვცინოდა, მისითვის დავა მოგვეგო საბოლოოდ, ამ ძალისხმევაზე საუბარს თქვენ ნუ დაიწყებთ. თქვენი მასალებიც იყო იქ გაომყენებული და მე მადლობა მინდა, გითხრათ, ჰააგაში ეს დასკვნა ნამდვილად გამოვიყენეთ ჩვენ, მაგრამ თქვენ არ გეწყინოთ და ეს არ იყო საკმარისი. ზღვაში წვეთიც კი არ იყო იმისთვის, რომ ჩვენ დაგვემტკიცებინა, რომ მართლები ვართ, - თქვა წულუკიანმა. 
პასუხად დავითაიამ წულუკიანს შეახსენა, რომ აგვისტოს ომის გამოძიების თემა ყველასია.

აგვისტოს ომის თემა, რაც შეეხება გამოძიების თემა, არის ყველასი. მე ვალდებული ვარ და ყოველთვის ბედნიერი ვიყავი, როდესაც პროკურატურამ მიაღწია წარმატებას, - თქვა დავითაიამ. თეა წულუკიანის კომისიამ აგვისტოს ომის შესწავლა დაიწყო. მიუხედავდა იმისა, რომ ევროპული და ჰააგის სასამართლოების მიერ ეს საქმეები უკვე წლების გამოძიებულია და ვერდიქტებიც ცნობილია, წულუკიანის კომისია კითხვების დასმას თავიდან იწყებს.