რა მძიმე დაავადებების გამოწვევა შეუძლია რძეში აღმოჩენილ "აფლატოქსინს" - მედიკოსების განმარტება

"აფლატოქსინი" რძეში - მედიკოსების განმარტებით, საშიში ნივთიერება ორგანიზმში მოხვედრის შემდეგ ღვიძლის მძიმე დაზიანებას იწვევს, ჭარბი დოზით მიღებამ კი შესაძლოა, ღვიძლის ციროზი და კიბოც კი გამოიწვიოს.

ექიმები "პირველებთან" ამბობენ, "აფლატოქსინი" ძალიან საშიშია ორსულებისთვის, რადგან ნაყოფის განვითარებაზე შეიძლება სერიოზული პრობლემები გააჩინოს.

აფლატოქსინი კარცეროგენული ნივთიერებაა, რომელიც ძალიან მიზანდასახულად აზიანებს ღვიძლს, იწვევს, როგორც ღვიძლის ციროზს, ასევე შესაძლებელია ღვიძლის სიმსივნე. ძალიან საშიშია ორუსლი ქალებისთვის, იმიტიომ, რომ შეიძლება ნაყოფის განვითარებაზე სერიოზული პრობლემები გააჩინოს. გარდა ამისა, ძუძუთი კვებაზე როცა არის ბავშვი, თუკი დედა ღებულობს ამ აფლატოქსინის შემცველ საკვებს, ჩვილზეც გადადის რძის მეშვეობით. ბავშებშიც და დიდებშიც ღვიძლის უკმარისობა შეიძლება განვითარდეს, რომელიც კომაშიც შეიძლება შემდეგ გადავიდეს და ცუდიდ შედეგი მოხდეს. აღმოჩნდა რომ ბავშვებში, ვისა აღმოუჩინეს აფლატოქსინის ხშირი ექსპოზიცია, სიმაღლეში ზრდის პრობლემები ჰქოდნათ", - ამბობს ექიმი.
მედიკოსები ასევე საუბრობენ დნმ-ის დაზიანებაზეც. მათი თქმით, რძეში აღმოჩენილ საშიშ ნივთიერებას შეუძლია ბავშვის ზრიდს შეფერხება, როგორც მუცელში ყოფნის პერიოდში, ისე შემდეგომ.

აქვს მკვეთრად გამოხატული მუტაგენური ეფექტები, მას შეუძლია დააზიანოს დნმ, ასევე მოქმედებს ენდოკრინულ სისტემზე, დაზიოს კაცებში ტესტოსტერონის დონე, ქალებში გამოიწვიოს უშვილობა, ნაყოფის ზრდის შეფერხება. როგორც პედიატრისთვის, ჩემთვის მნიშვნელოვანი არის ის ფაქტი, რომ ამ ტოქსინის ბავშვის ორგანიზმში ხანგრძლივი მოხვედრა იწვევს განვითარების შეფერხებას. ამ ტოქსინს ახასიათებს ღვიძლის დაზიანება, მათ შორის ციროზიდ ა კიბოც", - ამბობს მედიკოსი.