რა ქონებას ფლობს ჰოლივუდურ სკანდალში გახვეული ამერიკელი რეპერი P. Diddy

ამერიკელი რეპერის, მომღერლის, პროდიუსერის, მეწარმისა და დიზაინერის, P. Diddy-ის ქონება 2024 წლის მდგომარეობით 600 მლნ დოლარს შეადგენს. ინფორმაციას Celebritynetworth-ი ავრცელებს.

P. Diddy-მა 90-იანი წლების ბოლო პირველი წარმატებული რეპ ალბომი გამოუშვა, რითაც კარიერაში პირველი გრემიც მიიღო. რეპერმა მოგვიანებით საკუთარი ტანსაცმლის ხაზი და ალკოჰოლური სასმელების ბრენდიც დააფუძნა.

მხოლოდ ბოლო ორი ათწლეულის განმავლობაში რეპერმა 1 მილიარდ დოლარზე მეტი გამოიმუშავა თავისი ბიზნესებიდან. ყველაზე წარმატებული კი ალკოჰოლური სასმელების კომპანია Diageo-სთან პარტნიორობა გახდა. 

2013 წელს აღნიშნულმა ორმა ბრენდმა ტეკილას ბრენდი DeLeon შეიძინეს. მისი სიმდიდრის ძირითადი წილი ბრენდ Cîroc-დან იყო, თუმცა გარიგება ოფიციალურად 2024 წლის იანვარში დასრულდა. ცნობისთვის, გავრცელებული ინფორმაციით, რეპერი ყოველწლიურად Cîroc-დან 60 მილიონ დოლარზე მეტის მოგებას ნახულობდა.

რეპერის შემოსავლის დიდი წყარო Bad Boy Records-დან მოდის, მისი ღირებულება 100 მილიონ დოლარს აღწევდა. ამასთანავე, ჯერ კიდე 2013 წელს Forbes-ი წერდა, რომ მისი ქონება 200 მილიონ დოლარს აჭარბებდა, რაც მეტწილად AQUAhydrate Water-ში მისი წილის წყალობით იყო.

რეპერი იკავებდა Revolt TV-ის თავმჯდომარის თანამდებობასაც და პოზიცია 2023 წლის ბოლოს, მას შემდეგ დატოვა, რაც მის წინააღმდეგ სექსუალური ძალადობის შესახებ სამი სარჩელი შეიტანეს.

P. Diddy ასევე ფლობს შონ ჯონის ტანსაცმლის ეტიკეტს, რომელმაც 2016 წელს გაყიდვებიდან 450 მილიონი დოლარის შემოსავალი მიიღო. მან იმავე წელს ბრენდის 90% გაყიდა.

ცნობისთვის, ბოლო წლების განმავლობაში, რეპერი არაერთ სკანდალში გაეხვა, მათ შორის მიმდინარეობდა მის წინააღმდეგ მთელი რიგი სასამართლო პროცესები. 2024 წლის სექტემბერში P. Diddy დააკავეს. ის სექსუალურ ტრეფიკინგში, ძალადობასა და ხალხის პროსტიტუციაში ჩართვაშია ბრალდებული.

წყარო: bpn.ge