„ივანიშვილმა და არალეგიტიმურმა პარლამენტმა პასუხად დაცინვა უნდა მიიღოს“ - გიგა ბოკერია წულუკიანის კომისიაზე:

რას ემსახურება "ქართული ოცნების" მიერ ე.წ. საგამოძიებო კომისიის შექმნა? - "ფედერალისტების" ერთ-ერთი ლიდერი გიგა ბოკერია ამბობს, რომ ქვეყანაში მიმდინარე უწყვეტი პროტესტის ფონზე ივანიშვილის რეჟიმს ფოკუსის გადატანა უნდა.

ყოფილი მაღალჩინოსანი ამბობს, რომ არალეგიტიმური პარლამენტის ე.წ. კომისიას ოპოზიციამ დაცინვით უნდა უპასუხოს.

ამ საყოველთაო პროტესტის პირობებში, ფოკუსის გადატანა უნდათ ისევ ძველი და ახალი ხელისუფლების დაპირისპირებაზე, პოლარიზაციაზე და ყველას ერთ ქვაბში ჩაყრაზე. ამიტომ ამაზე ერთადერთი პასუხი, ამ არალეგიტიმურ პარლამენტს, ივანიშვილის უნდა ჰქონდეს დაცინვა ყოველგვარი დრამატიზმის გარეშე"- აცხადებს ბოკერია. 
"ფედერალისტების" ლიდერის თქმით, ყველას კარგად უნდა გაიგოს, რის გამო დგას ხალხი უწყვეტად ქუჩაში.

მისი თქმით, პოლიტიკური დევნა თავისთავად დიდი პრობლემაა, თუმცა ბევრად უფრო მძიმეა, ფაქტი, რომ საფრთხე ქვეყნის მომავალს და სახელმწიფოებრიობას ეხება.

ბოკერია პირდაპირ ამბობს, რომ ივანიშვილი საკუთარ ამომრჩეველსაც დასცინის, როცა მთელი ამ წლების განმავლობაში, ბოკერია-სააკაშვილის რეჟიმზე ლაპარაკობდა და დაკითხვაზე ხაზარაძე- ჯაფარიძეს იძახებს.

პოლიტიკოსის თქმით, ამით "ოცნება" ყველას ერთ ქვებში მოხარშვას ცდილობს:

კიდევ ერთხელ მინდა ვისარგებლო შემთხვევით და ვუთხრა, რომ საკუთარ მომხრეებსაც დასცინიან ჯერჯერობით ჩემთვის რომ არ დაუძახიათ. წლების განმავლობაში ბოკერია-სააკაშვილის რეჟიმზე ლაპარაკობენ და ხაზარაძეს და ჯაფარიძეს უძახიან იმისთვის, რომ ყველა მონათლონ ერთად და ერთ ქვაბში როგორც უკვე ვთქვი.

ამიტომ ველოდები, რომ დამიძახებენ და მერე ვეტყვი იგივეს, რასაც ეუბნება ყველა პასუხისმგებლობის მქონე მოქალაქე თუ პოლიტიკოსი, რომ ამ კლოუნადაში, ამ არალეგიტიმური პარლამენტის, არავინ არ უნდა მიიღოს მონაწილეობა და რა რეპრესიასაც არ უნდა მიმართონ მხოლოდ დაცინვა იქნება პასუხი და ყველას ემახსოვრება, რომ პროტესტი არის უფრო დიდ რამეზე, ვიდრე თუნდაც ცალკეული პოლიტიკური ფიგურების არალეგიტიმური დევნა"- დასძინა მან.